Bigg Boss 6: బిగ్ బాస్ సీజన్ సిక్స్ విన్నర్ రేవంత్ అద్భుతమైన ఆట తీరుతో మొదటినుండి రాణించటం తెలిసిందే. ఫస్ట్ నుండి దూకుడు గేమ్ ఆడుతూ ఎక్కడ కూడా మాస్క్ లేకుండా ఉన్నది ఉన్నట్టు మనసులో ఏది దాచుకోకుండా మాట్లాడటం జరిగింది. కచ్చితంగా తానే విన్నర్ అవుతాడని ఫస్ట్ నుండి చెబుతూనే అలాగే టైటిల్ కొట్టేసాడు. అయితే రేవంత్ హౌస్ లోకి వచ్చిన సమయంలో ఆయన భార్య గర్భవతి. ఈ క్రమంలో రేవంత్ సీమంతంకి కూడా లేకుండా.. గేమ్ ఆడటం జరిగింది. హౌస్ లో రేవంత్ గేమ్ ఆడుతున్న సమయంలో భార్య సీమంతం వీడియో కూడా చూపించడం జరిగింది.
రేవంత్ ఒకపక్క గేమ్ ఆడుతున్న గాని మనసు మొత్తం భార్య దగ్గరే ఉంది. హౌస్ లో ఏదైనా సందర్భంలో తనకి కన్నీరు వచ్చినప్పుడు భార్యను గుర్తు చేసుకుని మరి ఎమోషనల్ అయ్యేవాడు. ఈ క్రమంలో ఫ్యామిలీ వీక్ సమయంలో భార్యతో వీడియో కాన్ఫరెన్స్ లో రేవంత్ మాట్లాడటం జరిగింది. సరిగ్గా వీడియో కాల్ మాట్లాడకపోయినా గాని ఆ టైంలో రేవంత్ వాళ్ళ అమ్మ హౌస్ లోకి వచ్చారు అంతా ధైర్యం చెప్పారు. ఇక అదే వారం వీకెండ్ లో రేవంత్ వాళ్ళ అన్నయ్య వచ్చి నువ్వు లోన్ గేమ్ ఆడు మేము మొత్తం చూసుకుంటాం.. ఎక్కడ భయపడొద్దు అని భరోసా ఇచ్చాడు. ఆ తర్వాత వారమే రేవంత్ వాళ్ళ భార్య డెలివరీ అయి ఆడపిల్లకి జన్మనిచ్చింది.
ఈ విషయాన్ని బిగ్ బాస్ సీక్రెట్ రూమ్ లో రేవంత్ కి తెలియజేసి సర్ప్రైజ్ ఇచ్చారు. తర్వాత వారం వీకెండ్ లో నాగార్జున గారు వీడియో కాల్ ద్వారా పాపనీ చూసే అవకాశాన్ని కల్పించారు. ఆ తర్వాత టైటిల్ గెలిచిన రేవంత్ ఇంటికి వెళ్ళిన సమయంలో ఇంట్లో సభ్యులంతా సర్ప్రైజ్ గా పాపని చూపించడం జరిగింది. రేవంత్ కళ్ళకి గంతలు కట్టేసి.. ఒకసారిగా బిడ్డను చేతిలో పెట్టి కళ్ళ గంతులు తీయడంతో.. రేవంత్ కూతురుని చూసుకుని ఎమోషనల్ అయ్యాడు. ఆ వీడియో ఇప్పుడు సోషల్ మీడియాలో వైరల్ అవుతుంది.
