Bigg Boss 6: తెలుగు బిగ్ బాస్ షోలో న్యూస్ యాంకర్ లు, ఎంటర్టైన్మెంట్ యాంకర్ లు, మోడల్స్ ఇంకా ఒక జంట రావడం సర్వసాధారణం. గతంలో వితిక, వరుణ్ సందేశ్ ల జంట వచ్చి ఎంతగానో అలరించింది. కాగా ఇప్పుడు సీజన్ సిక్స్ లో రోహిత్ -మెరీనా జంట రావడం తెలిసిందే. ఇద్దరూ కూడా స్టార్టింగ్ నుండి చాలా బ్యాలెన్స్ గేమ్ ఆడుతూ వస్తున్నారు. హౌస్ లో అందరి పట్ల చాలా పాజిటివ్ గా రాణిస్తున్నారు. ముఖ్యంగా మేరీనా వంటగదిలో ఉండి అందరికీ వండి పెట్టడంతో పాటు చాలా పెద్దరికంగా వ్యవహరిస్తూ ఉంది.
అయితే సీజన్ మొదటి నుండి ఇద్దరు ఒకరిగానే బిగ్ బాస్ పరిగణిస్తూ వస్తున్నారు. దీంతో మిగతా కంటెస్టెంట్లకు వీళ్ళకి మధ్య చాలా వ్యత్యాసం ఉంది. జంటగా గేమ్ ఆడుతూ ఉండటంతో చాలా బెనిఫిట్స్ రోహిత్ మెరీనా లకే ఉన్నట్లు ఇంటిలో మిగతా సభ్యులు కూడా కామెంట్లు చేసిన సందర్భాలు ఉన్నాయి. పరిస్థితి ఇలా ఉంటే సోమవారం నామినేషన్ ప్రక్రియ ఎపిసోడ్ లో బిగ్ బాస్ రోహిత్- మెరీనాలకు ఊహించని షాక్ ఇచ్చారు. ఇకనుండి ఎవరికి వారు తమ గేమ్ ఆడాలని సూచించారు.
అంతేకాదు ఐదో వారం నామినేషన్ ప్రక్రియలో… ముందుగా ఈ జంటని పిలిచి.. ఇద్దరిలో ఒకరు సేఫ్ అవ్వాలి మరొకరు నామినేట్ కావాలని బిగ్ బాస్ ఆదేశించడం సంచలనం సృష్టించింది. దీంతో ఐదవ వారం నామినేషన్ ప్రక్రియలో మెరీనా నామినేట్ కాగా.. రోహిత్ సేఫ్ అయ్యారు. ఐదో వారం నుండి ఇద్దరు ఎవరి గేమ్ వారు ఆడాలని.. బిగ్ బాస్ ఇచ్చిన ఆదేశాలకు మిగతా ఇంటి సభ్యులు కూడా షాక్ అయ్యారు.