Bigg Boss 6: బిగ్ బాస్ సీజన్ సిక్స్ స్టార్ట్ అయిన నాటినుండి హౌస్ లో బాలాదిత్య అద్భుతమైన గేమ్ ఆడుతూ వస్తున్నాడు. హౌస్ లో ఉన్న సభ్యులందరినీ ఆకట్టుకుంటూ తనదైన శైలిలో మాట్లాడుతూ అందరితో కలుపుకోలుగా మంచి పాయింట్స్ రాబడుతున్నాడు. అంతేకాదు తొలివారం సీజన్ సిక్స్ కి మొట్టమొదటి కెప్టెన్ కావడం కూడా జరిగింది. ఇదంతా పక్కన పెడితే ఆదివారం జరిగిన ఎపిసోడ్ లో “స్టార్ ఆఫ్ ద వీక్” గా టైటిల్ తో పాటు గిఫ్ట్ కూడా అందుకున్నాడు.
ఈ నేపథ్యంలో మరికొద్ది క్షణాల్లో సోమవారం జరగబోయే ఎలిమినేషన్ నామినేషన్ ప్రక్రియలో ఇంటి కెప్టెన్ బాలాదిత్యకి సూపర్ పవర్ ఇచ్చినట్లు లీక్ వార్తలు వస్తున్నాయి. ముఖ్యంగా “స్టార్ ఆఫ్ ద వీక్” టైటిల్ గెలవడంతో సోమవారం ఎలిమినేషన్ నామినేషన్ ప్రక్రియలో ఇద్దరినీ నామినేట్ చేసే అవకాశం బాలాదిత్యకి బిగ్ బాస్ ఇచ్చినట్లు టాక్. మామూలుగా సోమవారం ఎపిసోడ్ కి సంబంధించి ఒక్కో ఇంటి సభ్యుడు ఒకరిని మాత్రమే నామినేట్ చేయాలని బిగ్ బి ఆదేశాలు ఇచ్చారు.
మామూలుగా అయితే ప్రతి నామినేషన్ లో ఒక్కో ఇంటి సభ్యుడు ఇద్దరినీ నామినేట్ చేస్తారు. కానీ ఈసారి ఒకరిని మాత్రమే నామినేట్ చేసే పరిస్థితి ఉన్న క్రమంలో స్టార్ ఆఫ్ ద వీక్.. కొత్త కెప్టెన్ బాలాదిత్యకి మాత్రం ఇద్దరినీ నామినేట్ చేసే స్పెషల్ పవర్ బిగ్ బాస్ ఇచ్చినట్లు వార్తలు వస్తున్నాయి. మరి బాలాదిత్య సోమవారం ఎలిమినేషన్ నామినేషన్ ప్రక్రియలో ఎవరిని నామినేట్ చేస్తారో చూడాలి. కాగా సోమవారం ఎపిసోడ్ లో నామినేషన్ లో ఇంటి సభ్యుల మీద గట్టిగానే గొడవలు జరిగాయి.