Bigg Boss 6: బిగ్ బాస్ సీజన్ సిక్స్ ఐదో వారం గేమ్ జరుగుతున్న సంగతి తెలిసిందే. ఈ వారం హౌస్ నుండి ఎలిమినేట్ అవ్వడానికి ఎనిమిది మంది నామినేట్ అయ్యారు. మరోపక్క ప్రస్తుతం హౌస్ లో కెప్టెన్సీ టాస్క్ రసవతరంగా జరుగుతోంది. ఈ వారంలో దసరా నేపథ్యంలో హౌస్ లో బిగ్ బాస్ బర్తడే వేడుకల రూపంలో ఇంటిలో అదిరిపోయే ఎంటర్టైన్మెంట్ కార్యక్రమాలు రూపొందించడం తెలిసిందే.
ఈ కార్యక్రమాలలో ఎక్కువగా ఎంటర్టైన్మెంట్ చేసిన ఆరుగురిని సెలెక్ట్ చేయాలని గురువారం ఎపిసోడ్లో కెప్టెన్ కీర్తికి బిగ్ బాస్ ఆదేశాలు ఇవ్వడం జరిగింది. ఆరుగురు కెప్టెన్సీ పోటీదారులుగా ఎంపిక చేస్తున్నట్లు తెలిపారు. దీంతో కీర్తి.. తన దృష్టిలో సూర్య, ఫైమా, గీతు రాయల్, బాలాదిత్య, రాజ్, రేవంత్ లు ఎంటర్టైన్మెంట్ చేశారని వారి పేరులు తెలియజేయడం జరిగింది. దీంతో ఈ ఆరుగురికి బిగ్ బాస్ లోగో ఫజిల్ గేమ్ పెట్టడం జరిగింది. ఆరుగురిలో బిగ్ బాస్ లోగో ఫజిల్ గేమ్ లో ఫైమా, గీతు రాయల్, రాజ్ ఓడిపోయారు. దీంతో కెప్టెన్సీ బరిలో సూర్య, రేవంత్, బాలాదిత్య నిలిచారు.
ఈ క్రమంలో శుక్రవారం జరగబోయే ఎపిసోడ్ లో సూర్య, రేవంత్, బాలాదిత్యలో ఐదవ వారం కెప్టెన్ గా ఇంటి సభ్యులే ఎన్నుకోవాలని టాస్క్ నిర్వహించి కెప్టెన్సీ పోటీదారులకు ఊహించని షాక్ బిగ్ బాస్ ఇవ్వడం జరిగింది. ఈ టాస్క్ లో అత్యధికంగా బాలాదిత్య కి ఓట్లు పడినట్లు వార్తలు వస్తున్నాయి. ఆల్రెడీ బాలాదిత్య మొదటివారం కెప్టెన్ కావడం జరిగింది. కాగా ఓటింగ్ ప్రక్రియలో ఊహించని రీతిలో సూర్యకి షాక్ తగిలింది. గత కొద్దిరోజులుగా తనతో క్లోజ్ గా ఉండే ఇనాయా ఈ ఓటింగ్ ప్రక్రియలో అస్సలు పడని రేవంత్ కి ఓటేయటం హౌస్ లో అందరికి షాక్ ఇచ్చినట్లు అయింది. ఈ సన్నివేశాన్ని శుక్రవారం ఎపిసోడ్ కి సంబంధించిన ప్రోమోలో చూపించారు.
