Bigg Boss 6: బిగ్ బాస్ సీజన్ సిక్స్ లో ప్రారంభంలో టాప్ మోస్ట్ కంటెస్టెంట్ గా గీతూ గేమ్ కనబడేది. హౌస్ లో అందరూ చాలా మంచితనంగా సేఫ్ గేమ్ ఆడుతూ ఉంటే మాత్రం..గీతూ ఒక్కతే చాలా దూకుడు గేమ్ ఆడేది. మిగతా కంటెస్టెంట్లు తిన్నామా, పడుకున్నామా.. అన్న విధంగా మాత్రమే ఫస్ట్ లో వ్యవహరించే వాళ్ళు. గీతూ… ఎవరితోనైనా నువ్వా నేనా అన్నట్టుగా గేమ్ ఆడేది. కానీ రాను రాను ఓవర్ కాన్ఫిడెన్స్ పెరగటంతో పాటు…బిగ్ బాస్ ఇచ్చే ఆదేశాలకు విరుద్ధంగా..గీతూ తీసుకున్న నిర్ణయాలు ఆమె కొంపముంచాయి. ముఖ్యంగా బాలాదిత్యతో సిగరెట్ గొడవ ఆమె ఇమేజ్ కి చాలా డ్యామేజ్ చేయడం జరిగింది. అయితే అప్పటివరకు కచ్చితంగా తాను టాప్ 5లో ఉంటదని బలంగా ఉంది.
కానీ బయట ఆమె ఆట తీరు ప్రేక్షకులకు నచ్చక పోవడంతో తొమ్మిదో వారంలోనే హౌస్ నుండి గీతూనీ ఎలిమినేట్ అయ్యేటట్లు చేశారు. తన ఎలిమినేషన్ కూడా ఊహించిన రీతిలో జరిగింది. ఇంటి సభ్యులందరూ కూడా షాక్ అయిపోయారు. గీతూ.. తన ఓటమిని అంగీకరించలేక బిగ్బాస్ హౌస్లో ఇంకా నాగార్జున వేదికపై బోరున ఏడిచింది. బయట పలు ఇంటర్వ్యూలలో కూడా ఇంకా ఏడుస్తూనే మొన్నటిదాకా కనిపించింది. ఈ క్రమంలో ఇటీవల మళ్ళీ కొద్దిగా ఇంస్టాగ్రామ్ లో యాక్టివ్ అవుతూ ఉన్న గీతూ… బిగ్ బాస్ సీజన్ సిక్స్ ఫ్లాప్ అయిందని కొంతమంది కామెంట్లు చేస్తూ కారణమేంటో తెలియజేయమని కోరారు.
దీనికి గీతూ… సమాధానమిస్తూ మంచితనం, సింపతి మరియు సేఫ్ గేమ్.. వల్ల గేమ్ ప్లాప్ అయ్యింది. చూసే జనాలు కూడా ఏంటి ఈ సేఫ్ గేమ్ లు… ఎవరు దైర్యంగా ఆడలేక పోతున్నారు అని ఫీల్ అయ్యారు. ఇంకా బయట రివ్యూలు చెప్పేవాళ్లు తమ ఫేవరెట్ కంటెస్టెంట్ల కోసం చేసిన మేనుపులేషన్ కూడా ఈ సీజన్ ఫ్లాప్ అవటానికి ఒక కారణం అని తెలిపింది. పైగా హౌస్ లో నెక్స్ట్ బిగ్ బాస్ ఇంటి సభ్యులకు ఇచ్చే ఆదేశాలు ముందుగానే రివ్యూలుగా అనుభవం ఉండటంతో ఆదిరెడ్డి… నేను చేసిన డిస్కషన్ చూసే ప్రేక్షకులలో క్యూరాసిటీ తగ్గించింది. ఇక సీజన్ బాగా హీట్ అవ్వాలని కొద్దిగా మేము తీసుకున్న నిర్ణయాలు కూడా.. జనాలకు చిరాకు తెప్పించాయి అని గీతూ చెప్పుకొచ్చింది.