Bigg Boss 6: బిగ్ బాస్ సీజన్ సిక్స్ గేమ్ ఆరో వారంకి చేరుకుంది. ఐదో వారంలో చంటి ఎలిమినేట్ కావటంతో…హౌస్ లో కొద్దిగా సందడి వాతావరణం తగ్గింది. చంటి ఉన్నంతకాలం ఇంటిలో కొద్దిగా ఎంటర్టైన్మెంట్ కనిపించేది. అయితే ప్రస్తుతం హౌస్ లో కొద్దిగా సీరియస్ వాతావరణం నెలకొంది. ఆదివారం ఎపిసోడ్ కావటం ఇంటి సభ్యులకు ఊహించని షాక్ ఇచ్చినట్లయింది. పరిస్థితి ఇలా ఉండగా ఆరో వారం నామినేషన్ ప్రక్రియ చాలా హాట్ హాట్ అన్నట్టుగా ఇంటి సభ్యుల మధ్య గట్టి వాదోపవాదాలు జరిగాయి. నామినేషన్ మధ్యలో రోహిత్ ఇంకా ఆదిరెడ్డి మధ్య గొడవ కొట్టుకునేంత దాకా సీన్ క్రియేట్ అయింది.
ఇంకా కీర్తి .. ఇనాయా మధ్య కూడా గట్టిగానే మాటల యుద్ధం నడిచింది. చాలా వరకు ఆరో వారం నామినేషన్ ప్రక్రియలో చంటి మేటర్ తో కీర్తిని కొంతమంది నామినేట్ చేశారు. ఇంకా ఎంటర్టైన్మెంట్ విషయంలో ఆది రెడ్డి సరైన పర్ఫామెన్స్ ఇవ్వడం లేదని ఆయనకు ఎక్కువ ఓట్లు వేశారు. అలాగే ఈ నామినేషన్ ప్రక్రియలో గీతు..రాజ్ మధ్య కూడా గొడవ జరిగింది. ఇంకా గీతుకి కూడా ఎక్కువగానే ఓట్లు పడ్డాయి. మొత్తం మీద ఆరో వారం నామినేషన్ ప్రక్రియలో దాదాపు తొమ్మిది మంది ఉన్నారు.
కీర్తి, ఆదిరెడ్డి, గీతు రాయల్, బాలాదిత్య, సుదీప, మెరీనా, శ్రీ సత్య, శ్రీహాన్, రాజ్. మరి ఈ తొమ్మిది మందిలో ఆరో వారం ఎవరు హౌస్ నుండి ఎలిమినేట్ అవుతారో చూడాలి. సీజన్ స్టార్ట్ అయ్యాక మొత్తం 21 మంది సభ్యులు హౌస్ లో ఎంట్రీ ఇవ్వగా ఐదుగురు ఎలిమినేట్ అయిపోయారు. దీంతో ప్రస్తుతం 16 మంది ఉండగా… వీరిలో 9 మంది నామినేషన్ లో ఉండటం జరిగింది.
