Bigg Boss 6: బిగ్ బాస్ సీజన్ సిక్స్ ఎనిమిదో వారం ఆట ప్రస్తుతం కొనసాగుతోంది. ఆదివారం జరిగిన ఎపిసోడ్ లో అర్జున్ ఎలిమినేట్ కావడంతో ప్రస్తుతం హౌస్ లో 14 మంది మిగిలి ఉన్నారు. మొత్తం 21 మంది సభ్యులు ఎంట్రీ ఇవ్వగా ఏడుగురు ఎలిమినేట్ అయిపోయారు. దాదాపు సగం గేమ్ కంప్లీట్ అయిపోయింది. ఇదిలా ఉంటే సోమవారం జరిగిన నామినేషన్ ఎపిసోడ్ లో హౌస్ లో ఉన్న 14 మంది నామినేట్ అయిపోయారు. ఏడవ వారంలో 13 మంది నామినేట్ గాక గీతు రాయల్, కెప్టెన్ సూర్య నామినేట్ కాలేదు.
ఈసారి మాత్రం మొత్తం అందరూ నామినేట్ అయ్యారు. ఈ నామినేషన్ ప్రక్రియలో రేవంత్ వర్సెస్ గీతూ మధ్య జరిగిన గొడవ హైలైట్ గా నిలిచింది. ఇంకా రోహిత్ కూడా చాలా లాజికల్ గా గీతూని నామినేట్ చేశారు. ఈ నామినేషన్ ప్రక్రియలో రేవంత్ యధావిధిగా తన ఫైర్ గేమ్ తో పాయింట్స్ చెప్పటంలో రెచ్చిపోయాడు. మొత్తం మీద చూసుకుంటే ఎనిమిదో వారంలో.. రేవంత్, గీతూ, శ్రీహాన్, ఆదిరెడ్డి, రోహిత్, మెరీనా, ఫైమా, శ్రీ సత్య, రాజ్, సూర్య, ఇనాయా, బాలాదిత్య, కీర్తి, వాసంతి.. నామినేషన్ లో ఉన్నారు.
మరి ఈసారి హౌస్ నుండి ఎవరు ఎలిమినేట్ అవుతారు అనేది సస్పెన్స్ గా నెలకొంది. దాదాపు ఈ వారం గేమ్ పరంగా టాప్ ఫైవ్ కంటెస్టెంట్స్ విషయంలో క్లారిటీ వచ్చే అవకాశాలున్నట్లు ప్రచారం జరుగుతోంది. ఎందుకంటే మొత్తం అందరూ నామినేషన్ లో ఉండటంతో ఓటింగ్ పోల్ ప్రకారం సీజన్ 6 టాప్ 5 కంటెస్టెంట్స్ నీ అంచనా వేయొచ్చని ఆడియన్స్ నుండి వినబడుతున్న టాక్.
