Bigg Boss 6: తెలుగు బిగ్ బాస్ రియాల్టీ షోపై తీవ్ర స్థాయిలో విమర్శలు వస్తున్నాయి. బీబీ యాజమాన్యం అమ్ముడుపోయిందని ప్రేక్షకులు కామెంట్లు చేస్తున్నారు. జనాలను వెర్రోలను చేసి ఓట్లు వేయించుకుని.. తమకిష్టమొచ్చిన కంటెస్టెంట్లను హౌస్ లో ఉంచి., జనం అభిమానం ఉన్న కంటెస్టెంట్లను ఎలిమినేట్ చేస్తున్నారని ఆరోపణలు చేస్తున్నారు. విషయంలోకి వెళ్తే సరిగ్గా ఫైనల్ వారానికి ముందు ఇనాయా ఎలిమినేషన్ పై సోషల్ మీడియాలో జనాలు మండిపడుతున్నారు.
అన్ ఫెయిర్ ఎలిమినేషన్ అని బీబీ టీంపై సీరియస్ కామెంట్లు చేస్తున్నారు. ఇనాయా బిగ్ బాస్ హౌస్ నుండి ఎలిమినేట్ అయినట్లు శనివారమే వార్త రావటం జరిగింది. అసలు హౌస్ లో మొదటినుండి కష్టపడుతూ గేమ్ ఆడుతూ.. అనేక నెగిటివిటీ ఎదుర్కొని మంచి ఫైట్ ఇచ్చింది. తన తల్లి కెప్టెన్ కావాలని … కోరిన కోరికను కూడా కష్టపడి గేమ్ ఆడి ఈ సీజన్ చివరివారంలో కెప్టెన్ అయింది. అటువంటి స్ట్రాంగ్ కంటెస్టెంట్ ఇనాయా.. ఎలిమినేట్ కావటం ఏంటి అని మండిపడుతున్నారు.
పరిస్థితి ఇలా ఉంటే హౌస్ లో ఇనాయా.. ఆర్ జె సూర్య మంచి ఫ్రెండ్స్ అని అందరికీ తెలుసు. సూర్య అంటే తనకి ఇష్టం అని కూడా ఓపెన్ గానే ఇనాయా చెప్పుకొచ్చింది. కానీ అనూహ్యంగా ఏడో వారంలో సూర్య ఎలిమినేట్ అయిపోయాడు. ఇదిలా ఉంటే సూర్య…ఇనాయా ఎలిమినేషన్ విషయంపై ఇంస్టాగ్రామ్ లో రియాక్ట్ కావడం జరిగింది. సోషల్ మీడియాలో ఆల్ ఓవర్ ఇండియా ట్రెండ్ అవుతున్న ఇనాయా అన్ ఫెయిర్ ఎలిమినేషన్ పోస్ట్ చేసి హిందీ న్యూస్ ఛానల్ దీని గురించి మాట్లాడుకుంటుందని వివరించాడు. అభిమానులు కూడా ఫుల్ ఫైర్ మీద ఉన్నారని తెలియజేయడం జరిగింది. ఒక విన్నర్ కి రావలసిన క్రేజ్ ఇనాయాకి వచ్చేసింది చాలు అంటూ.. సూర్య సంచలన పోస్ట్ పెట్టడం జరిగింది.