Bigg Boss 6: బిగ్ బాస్ సీజన్ సిక్స్ గేమ్ ప్రస్తుతం నాలుగో వారంలో ఉన్న సంగతి తెలిసిందే. ఇప్పటికే హౌస్ నుండి ముగ్గురు ఎలిమినేట్ అయిపోయారు. నాలుగో వారం హౌస్ నుండి ఎలిమినేట్ కావడానికి పదిమంది నామినేషన్ లో ఉన్నారు. ప్రస్తుతం బిగ్ బాస్ హౌస్ లో నాలుగో వారం కెప్టెన్సీ పోటీదారుల టాస్క్ జరుగుతుంది. దీనిలో భాగంగా బీబీ హోటల్ టాస్క్ పెట్టడం జరిగింది. అయితే ఈ టాస్క్ లో హోటల్ వెయిటర్ గా గీతు రాయల్ ఉండటం జరిగింది. కానీ ఈ గేమ్ లో తన టీం మెంబెర్ బాలాదిత్యా తనకి ఎటువంటి టిప్పులు ఇవ్వకుండా.. స్వార్ధంగా గేమ్ ఆడినట్లు గీతూ రాయల్ గుక్క పెట్టి ఏడ్చింది.
ఆరోహి ఇంకా కీర్తి దగ్గర తన బాధను వెల్లబుచ్చుకుంది. ఫైమా దగ్గర చాలాసేపు ఈ విషయం గురించి డిస్కషన్ చేసి మరి ఏడవటం జరిగింది. హౌస్ లో ఎవరిని నమ్మలేదు బాలాదిత్యాన్ని.. మాత్రమే బ్రదర్ గా ఫీల్ అయ్యాను. నేను గేమ్ ఎలా ఆడతాను..? అన్ని స్ట్రాటజీలు అతనికి చెప్పేదాన్ని. కానీ హోటల్ గేమ్ టాస్క్ లో ఒక్కసారి కూడా నా దగ్గరకు వచ్చి…టిప్ గాని.. ఒక వంద రూపాయలు కూడా ఇవ్వలేకపోయాడు. కనీసం నాతో ఒక మాట కూడా మాట్లాడలేదు. చాలా దారుణంగా బాలాదీత్యా గేమ్ ఆడాడు అంటూ గీతు ఏడ్చేసింది.
హౌస్ లో అందరిని ఏడిపించే గీతు.. ఫస్ట్ టైం.. నాలుగో వారం కెప్టెన్సీ టాస్క్ ఓడిపోయిన నేపథ్యంలో ఏడవటం చాలా హైలెట్ గా నిలిచింది. ఆ తర్వాత చంటితో గీతుకి గట్టిగా గొడవ జరిగింది. ఇద్దరికిద్దరూ నువ్వా నేనా అన్నట్టుగా గొడవ పడటం జరిగింది.
