Bigg Boss 6: బిగ్ బాస్ సీజన్ సిక్స్ స్టార్ట్ అయిన నాటి నుండి టైటిల్ పోరు విషయంలో రేవంత్ పేరు వినపడుతున్న సంగతి తెలిసిందే. హౌస్ లో ఎంట్రీ ఇచ్చిన నాటి నుండి మంచి దూకుడు మీద ఆడుతున్నాడు. మాటకి మాట సమాధానం చెప్పడంతో పాటు ఫిజికల్ టాస్కులలో ఎంటర్టైన్మెంట్ విషయంలో ఇప్పటి వరకు అన్ని రకాలుగా ప్రముఖ పాత్ర పోషించాడు. అంతేకాదు ఆరో వారంలో కెప్టెన్ కూడా కావడం జరిగింది. ఇక గేమ్ పరంగా దాదాపు 5 వారాలు పాటు ఇంటిలో కొంతమంది రేవంత్ నీ.. గట్టిగా టార్గెట్ చేయడం తెలిసిందే.
దీంతో రేవంత్ పట్ల షో చూసే ఆడియన్స్ కి సింపతి పెరిగే పరిస్థితి నెలకొంది. ఈ పరిణామంతో రేవంత్ ప్రతి నామినేషన్ లో ఉన్న సందర్భలలో అందరికంటే అతనికి ఓట్లు ఎక్కువ పడుతున్నాయి. దీంతో దాదాపు టైటిల్ రేవంత్ కొట్టే అవకాశాలు ఎక్కువగా ఉన్నట్లు మొన్నటిదాకా ప్రచారం జరిగింది. కానీ ఈ వారంలో రేవంత్ ఆడిన ఆట తీరుపై బయట నెగిటివ్ ప్రచారం గట్టిగా జరుగుతుంది. తానే గెలవాలి అన్న రీతిలో అడ్డదిడ్డమైన ఆట తీరు ఈ వారం రేవంత్ ప్రదర్శించాడని అంటున్నారు.
ఈ క్రమంలో రేవంత్ తోటి ఇంటి సభ్యులతో ఎక్కువగా గొడవలకు దిగటం అతని గేమ్ కి ఇప్పుడు అది పెద్ద మైనస్ అయిపోయిందని చెబుతున్నారు. అంత తనకే తెలుసు అన్న రీతిలో రేవంత్ వ్యవహారం ఉందని కామెంట్లు చేస్తున్నారు. తన స్వార్థం కోసం తోటి ఇంటి సభ్యులపై గొడవలకు దిగుతూ ఈ రీతిగానే గేమ్ ఆడితే రేవంత్.. టాప్ 5 లోకి వెళ్లే అవకాశాలు ఉండవని జనాలు అంటున్నారు.