Bigg Boss 6: బిగ్ బాస్ సీజన్ సిక్స్ గేమ్ చాలా రసవత్తరంగా సాగుతోంది. ప్రారంభంలో కొన్ని వారాలు పాటు హౌస్ లో ఉన్న సభ్యులు వ్యవహరించిన తీరు చూసే ప్రేక్షకులకు చిరాకు కలిగించింది. కేవలం తిన్నామా..? పడుకున్నామా..? తెల్లారిందా..? అన్న విధంగా హౌస్ మేట్స్ వ్యవహరించారు. దీంతో రెండో వారంలో నాగార్జున క్లాస్ తీసుకున్నారు. అయినా గాని హౌస్ లో మార్పులు రాకపోవడంతో సరిగ్గా ఏడో వారం వచ్చేసరికి బిగ్ బాస్… హౌస్ లో టాస్క్ లు గెలిచి మాత్రమే .. ఫుడ్ తినాలి.. లేదా ఇంట్రెస్ట్ లేకపోతే బయటకు వెళ్లిపోవాలని గట్టిగానే క్లాస్ తీసుకున్నారు. అప్పటినుండి హౌస్ లో అందరూ సీరియస్ గా గేమ్ ఆడుతున్నారు.
ఏడో వారం నుండి బిగ్ బాస్ హౌస్ లో మార్పులు చోటు చేసుకున్నాయి. కానీ స్ట్రాంగ్ కంటెస్టెంట్స్ అప్పటినుండి ఎలిమినేట్ అవుతూ ఉన్నారు. ఏడో వారంలో అర్జున్ కళ్యాణ్, ఎనిమిదో వారంలో సూర్య ఎలిమినేట్ కావటం తెలిసిందే. ఇక తొమ్మిదో వారంలో హౌస్ లో మరో స్ట్రాంగ్ కంటెస్టెంట్ గా పేరుందిన గీతు రాయల్ ఎలిమినేట్ అయిపోయినట్లు బయట ప్రచారం జరుగుతుంది. హౌస్ లో మొదటి నుండిహౌస్ లో గీతూ స్ట్రాంగ్ గేమ్ ఆడుతోంది. కానీ ఆమె తీసుకుంటున్న నిర్ణయాలు వివాదాస్పదంగా మారుతున్నాయి.
కొన్నిసార్లు గేమ్ ముందుకెళ్లకుండా ఆపేస్తున్నాయి. ఈ క్రమంలో ఆమె వల్ల చాలా మంది ఇంటి సభ్యులు బలి కూడా అయ్యారు. ముఖ్యంగా తొమ్మిదో వారంలో తన టీం గెలిపించుకోవడానికి చాలా కన్నింగ్ గా ఆమె తీసుకున్న నిర్ణయాలు.. ఆమెకు బ్యాక్ ఫైర్ అయినట్లు.. ఇందుకే ఎలిమినేట్ అయినట్లు బయట ప్రచారం జరుగుతుంది. తొమ్మిదో వారంలో మొత్తం పదిమంది నామినేషన్ లో ఉండగా.. రేవంత్, కీర్తి, ఆదిరెడ్డి శనివారం ఎపిసోడ్ లో సేఫ్ కావడం జరిగింది. ఆదివారం ఎపిసోడ్ లో గీతూ ఎలిమినేట్ అయినట్లు బయట ప్రచారం జరుగుతుంది.
