Bigg Boss 6: తెలుగు రియాల్టీ షో బిగ్ బాస్ కి ఎంత క్రేజ్ ఉందో అదే రీతిలో వ్యతిరేకత కూడా ఉంది. ఈ షో బ్యాన్ చేయాలని.. పలు సామాజిక సంఘాలతో పాటు రాజకీయ నాయకులు అనేకమంది గతంలో కామెంట్లు చేయడం జరిగింది. ఈ కోవలో మొదటి నుండి ఈ షోపై సిపిఐ పార్టీ నాయకులు నారాయణ విమర్శలు చేస్తూనే ఉన్నారు. వయసులో ఉన్న వారిని ఒకే గదిలో 100 రోజులు పెట్టడం వల్ల అనేక అనర్ధాలు జరుగుతాయని తెలిపారు. అంతేకాదు ఓ ప్రముఖ తెలుగు టీవీ న్యూస్ ఛానల్ లో నాగార్జున పై విమర్శలు కూడా చేయడం జరిగింది. షో వల్ల చాలామంది పాడైపోతున్నారని బ్యాన్ చేయాలని నారాయణ డిమాండ్ చేయడం జరిగింది.
అంతేకాదు ఇటీవల సీజన్ సిక్స్ స్టార్ట్ అయిన సమయంలో కూడా మరోసారి నారాయణ బిగ్ బాస్ షోపై మండిపడ్డారు. కాసులకు కక్కుర్తి పడే వాళ్ళు ఉన్నంతవరకు.. ఇటువంటి కార్యక్రమాలను అడ్డుకోలేమని అన్నారు. బిగ్ బాస్ షో చూసే ఆడియన్స్.. యే స్పందించాలని షో వల్ల సమాజానికి ఏం నేర్పిస్తున్నారు..? అని షో నిర్వాహకులనీ ప్రశ్నించాలని నారాయణ మొన్న కోరారు. పరిస్థితి ఇలా ఉంటే తాజాగా ఫస్ట్ వీకెండ్ బిగ్ బాస్ సీజన్ సిక్స్ ఎపిసోడ్ లో నాగార్జున పరోక్షంగా నారాయణకి కౌంటర్ వేసినట్లు వార్తలు వస్తున్నాయి.
మేటర్ లోకి వెళ్తే బిగ్ బాస్ సీజన్ సిక్స్ లో జంటగా రోహిత్ ఇంకా మెరీనా గేమ్ ఆడుతున్న సంగతి తెలిసిందే. ఈ క్రమంలో వాళ్ళిద్దరి మధ్య కొద్దిగా డిస్టెన్స్ వచ్చినట్లు కాస్త ప్రేమ తగ్గినట్లు మెరీనా మొదటి వారంలో కొన్ని ఎపిసోడ్లలో చేసిన కామెంట్లను నాగార్జున వీకెండ్ ఎపిసోడ్లో ప్రస్తావించి వారిద్దరిని కౌగిలించుకోవాలని సూచించారు. ఈ క్రమంలో నాగార్జున వాళ్ళిద్దరూ భార్యాభర్తలు నారాయణ నారాయణ అంటూ డైలాగులు వేయడం జరిగింది. దీంతో షో చూశాక నాగార్జున కావాలని సిపిఐ నారాయణ కి.. ఈ తరహాలో కౌంటర్ ఇచ్చారని ఆడియన్స్ నుండి వినపడుతున్న టాక్.
