Bigg Boss 6: బిగ్ బాస్ సీజన్ సిక్స్ కి సంబంధించి నాలుగో వారం ఆట కొనసాగుతోంది. హౌస్ లోకి 20 మంది ఎంట్రీ ఇవ్వగా ముగ్గురు ఎలిమినేట్ అయిపోయారు. నాలుగో వారం నామినేషన్ లో 10 మంది ఉన్నారు. ప్రస్తుతం నాలుగో వారంకి సంబంధించి కెప్టెన్సీ పోటీదారుల టాస్క్ జరుగుతుంది. నాలుగో వారం కెప్టెన్ కావడానికి హౌస్ మెట్స్ “బీబీ హోటల్” టాస్క్ లో ఎవరికివారు తమదైన శైలిలో రాణించారు. రెండు టీమ్స్ తో పాటు గెస్ట్ లుగా కొంతమందిని ఏర్పరిచి.. బిగ్ బాస్ ఆడించిన ఈ గేమ్ లో రేవంత్ పై ఇనాయా రివెంజ్ తీర్చేసుకుంది.
ఈ సీజన్ స్టార్ట్ అయినా నాటి నుండి వీరిద్దరికీ అసలు పడటం లేదన్న సంగతి తెలిసిందే. ప్రతి నామినేషన్ టైములో వీరిద్దరి మధ్య గట్టిగానే గొడవలు జరుగుతున్నాయి. అడవిలో టాస్క్ మూడోవారం కెప్టెన్సీ టైంలో కూడా..ఇనాయా వర్సెస్ రేవంత్ గొడవ జరిగింది. అంతకుముందు కూడా పలుమార్లు వీరిద్దరికీ గొడవలు అయ్యాయి. పరిస్థితి ఇలా ఉంటే బిగ్ బాస్ హోటల్ టాస్క్ లో గెస్ట్ గా ఇనాయా గేమ్ ఆడుతూ ఉంది. ఈ క్రమంలో హోటల్ లో పనిచేసే వారితో అన్ని పనులు చేయించుకోనే అవకాశం అతిథులకు ఇవ్వటంతో..ఇనాయా..వర్కర్ గా ఉన్న రేవంత్ చేత తన కాళ్లు నొక్కించుకుంది.
ఇందుకుగాను ఇనాయా..రేవంత్ కి కొన్ని డబ్బులు కూడా ఇవ్వడం జరిగింది. అయితే ఇనాయా.. కాళ్లు నొక్కిన తర్వాత రేవంత్ కిచెన్ లో తెగ ఏడిచేశాడు. అయినా గాని ఇదంతా గేమ్ లో భాగమే అని తనని తాను ఓదార్చుకున్నాడు. ఇదే సమయంలో ఫైమా వచ్చి రేవంత్ నీ ఓదార్చి .. ఇదంతా గేమ్ లో భాగమే అని సర్ది చెప్పింది. ఏది ఏమైనా చాలా సందర్భాలలో ఇష్టానుసారంగా తిట్టిన రేవంత్ తో ఇనాయా కాలు నొక్కించుకోవటం బుధవారం ఎపిసోడ్ లో హైలెట్ అని ఆడియన్స్ అంటున్నారు.