Bigg Boss 6: తెలుగు బిగ్ బాస్ సీజన్ సిక్స్ ప్రస్తుతం రన్ అవుతున్న సంగతి తెలిసిందే. బిగ్ బాస్ సీజన్ జరిగే ప్రతి సమయంలో.. ఆ టైంలో విడుదలయ్యే సినిమా యూనిట్ హౌస్ లో సందడి చేయటం అనేక సందర్భాలలో చూడటం జరిగింది. గత సీజన్ ఫైవ్ లో చాలామంది తారలు హౌస్ లోకి వచ్చారు. గ్రాండ్ ఫినాలే నాడు రాజమౌళి, రణబీర్ కపూర్, ఆలియా భట్, పుష్ప యూనిట్, నాని, కృతి శెట్టి, సాయి పల్లవి.. రావడం తెలిసిందే. అంతకుముందు రామ్ చరణ్ కూడా హౌస్ లోకి వచ్చారు.
ఇదిలా ఉంటే మరోసారి కృతి శెట్టి హౌస్ లోకి అడుగుపెడుతుంది. పూర్తి విషయంలోకి వెళ్తే.. ఇంద్రగంటి మోహన కృష్ణ దర్శకత్వంలో “ఆ అమ్మాయి గురించి మీకు చెప్పాలి” అనే సినిమాలో సుధీర్ బాబుతో కృతి శెట్టి హీరోయిన్ గా నటించడం జరిగింది. అయితే ఈ సినిమాకి సంబంధించి ప్రమోషన్ కార్యక్రమంలో భాగంగా నేడు బిగ్ బాస్ హౌస్ లోకి సుధీర్ బాబు మరియు కృతి శెట్టి సందడి చేయనున్నారట. ఈ ఇద్దరు ఎంట్రీ ఇంటి సభ్యులకు సడన్ సర్ప్రైజ్ ఉండేలా బిగ్ బాస్ ప్లాన్ చేసినట్లు సమాచారం.
ప్రస్తుతం బిగ్ బాస్ హౌస్ లకి రెండో సీజన్ కి సంబంధించి కెప్టెన్ టాస్క్ నడుస్తోంది. చంటి, సూర్య, సుల్తానా, రాజ్ ఈ నలుగురిలో ఒకరు కెప్టెన్ కానున్నారు. ఇంటి సభ్యులే ఎన్నుకోవాలని బిగ్ బాస్ ఓటింగ్ పెట్టడం జరిగింది. గురువారం ఎపిసోడ్ లో రాజ్ అందరికంటే ఒక ఓటు ఎక్కువతో లీడ్ లో ఉన్నారు. మరి శుక్రవారం జరగబోయే ఎపిసోడ్ లో నలుగురిలో ఎవరు కెప్టెన్ అవుతారో అనేది సస్పెన్స్ గా నెలకొంది.
