Bigg Boss 6: బిగ్ బాస్ సీజన్ సిక్స్ 9వ వారం గేమ్ ఇంటిలో చాలా మార్పులు తీసుకొచ్చింది. కలిసికట్టుగా ఉండే ఆదిరెడ్డి.. గీతూ రాయల్ మధ్య గొడవ సృష్టించింది. సూర్య ఎలిమినేట్ కావటంతో రోహిత్, మెరీనా, రాజ్, కీర్తి… ఇనాయాకి దగ్గర అయ్యారు. ఇదిలా ఉంటే ఇప్పుడు తొమ్మిదో వారంలో పది మంది నామినేషన్ లో ఉండటం జరిగింది. అయితే ఈ పదిమందిలో గురువారం దాకా శ్రీ సత్య హౌస్ నుండి వెళ్ళిపోయే అవకాశాలు ఉన్నట్లు ప్రచారం ఎక్కువ జరిగింది. అయితే ఈలోపే శుక్రవారం ఇంకా ఎపిసోడ్ స్టార్ట్ అవ్వకముందు కీర్తి… రోహిత్ ఇద్దరూ కూడా డేంజర్ జోన్ లో ఉన్నట్లు వార్తలు వస్తున్నాయి.
ఇలాంటి తరుణంలో కీర్తికి సపోర్ట్ చేయడానికి గత సీజన్ కంటెస్టెంట్ ప్రియాంక రంగంలోకి దిగింది. కీర్తికి ఓట్ వేయాలని తన ఫాలోవర్స్ కి ప్రియాంక సింగ్ సోషల్ మీడియా ద్వారా పోస్ట్ పెట్టి తెలియజేసింది. గత సీజన్ లో ప్రియాంక సింగ్ అద్భుతమైన ఆట తీరు ప్రదర్శించడం జరిగింది. సరిగ్గా టాప్ పైవ్ కి చేరకముందు ఎలిమినేట్ అయిపోయింది. ఒక ప్రియాంక సింగ్ మాత్రమే కాదు కీర్తికి గత సీజన్ టాప్ ఫైవ్ లో ఒకరు మానస్ కూడా సపోర్ట్ చేయడం జరిగింది.
హౌస్ లో అందరికీ ఇంటి నుండి లెటర్ లేదా వీడియో కాల్ ఇంకా ఆడియో కాల్ వచ్చిన క్రమంలో… తనకి ఎవరూ లేరని బాధపడుతున్న కీర్తికి మానస్ ఫోన్ చేసి.. ధైర్యం చెప్పి అద్భుతమైన గేమ్ ఆడుతున్నావని అభినందించాడు. అంతేకాదు బయట సపోర్ట్ చేస్తామని కూడా మాట ఇవ్వడం జరిగింది. దీంతో డేంజర్ జోన్ లో ఉన్న కీర్తికి భారీగానే ఓట్లు పడేటట్లు ప్రియాంక సింగ్ బయట సపోర్ట్ చేయటం సోషల్ మీడియాలో సంచలనంగా మారింది.