Bigg Boss 6: బిగ్ బాస్ సీజన్ 6 తొమ్మిదో వారం గేమ్ చాలా రసవత్తరంగా సాగిన సంగతి తెలిసింది. మిషన్ ఇంపాజిబుల్ టాస్క్ లో రెడ్… బ్లూ టీం లుగా ఇంటిలో ఉన్న సభ్యులు పోటాపోటీగా గేమ్ ఆడారు. అయితే ఈ క్రమంలో కొంతమంది ఫిజికల్ అవగా మరి కొంతమంది మైండ్ గేమ్ ఆడారు. ఓవరాల్ గా ఈ గేమ్ లో గట్టిగానే గొడవలు జరిగాయి. ఆదిరెడ్డికిచ్చిన సీక్రెట్ టాస్క్ అద్భుతంగా అమలుపరిచాడు. అయితే తొమ్మిదో వారం గేమ్ లో ఇంటి సభ్యులు ఆడిన ఆట తీరు మరి ప్రవర్తన పై శనివారం వీకెండ్ ఎపిసోడ్ లో నాగార్జున ఎవరి డోస్ వారికి ఇచ్చేశారు.
దీనిలో భాగంగా గతవారం కెప్టెన్ శ్రీహాన్ విషయంలో నాగార్జున మండిపడ్డారు. మేటర్ లోకి వెళ్తే గీతు రాయల్ కి గత శనివారం బాత్రూం కడిగే పనిష్మెంట్ ఇవ్వటం తెలిసిందే. ఆ పనిష్మెంట్ లో ఎవరి హెల్ప్ తీసుకోకుండా… బాత్రూం ఏరియా మొత్తం కడగాలని… స్వయంగా శ్రీహాన్ పనిష్మెంట్ చెప్పడం జరిగింది. కానీ దానికి విరుద్ధంగా ఆదిరెడ్డి హెల్ప్ తీసుకుని గీతు రాయల్ సగం పనిచేయడంతో శనివారం వీకెండ్ ఎపిసోడ్ లో నాగార్జున.. వీడియో వేసి మరి తప్పు బయటపెట్టారు. కెప్టెన్ గా శ్రీహన్ విఫలమయ్యారని విమర్శించారు.
అంతేకాకుండా బుధవారం లో కెప్టెన్ కాకుండా అనర్హులుగా ప్రకటించడం జరిగింది. గీత రాయల్ చేసిన పనికి శ్రీహాన్ పదోవారం కెప్టెన్ పోటీ పడే అవకాశమే లేకపోయింది. ఒక శ్రీహన్ మాత్రమే కాదు ఆదిరెడ్డి కూడా గీతూ కారణంగా బిగ్ బాస్ చేత మరియు నాగార్జున చేత తిట్లు తిట్టుంచుకోవడం జరిగింది.