భాషతో సంబంధం లేకుండా బుల్లితెరపై మంచి ప్రజాధారణ పొందిన రియాలిటీ షోల్లో `బిగ్బాస్` ఒకటి. తెలుగులోనూ ఈ షో సూపర్ డూపర్ హిట్ అయింది. ఇప్పటికే ఐదు సీజన్లను కంప్లీట్ చేసుకున్న ఈ షో.. ఇప్పుడు 6వ సీజన్కు సిద్ధం అవుతోంది. బిగ్ బాస్ సీజన్ 6కు కూడా కింగ్ నాగార్జుననే హోస్ట్గా వ్యవహరిస్తున్నారు.
సెప్టెంబర్ 4 నుంచి ఈ షో మొదలవుతుందని మేకర్స్ వెల్లడించారు. ఇప్పటికే ఈ షోకి సంబంధించిన చాలా ప్రోమోలు బయటకు వచ్చి.. ప్రేక్షకులను విశేషంగా ఆకట్టుకున్నాయి. దీంతో బిగ్ బాస్ ప్రియులు.. ఎప్పుడెప్పుడు ఈ షో స్టార్ట్ అవుతుందా అని తెగ ఆరాటపడుతున్నారు.
ఇదిలా ఉంటే.. ఇప్పుడు ఈ షోకు హోస్ట్ నాగార్జున అందుకుంటున్న రెమ్యునరేషన్ హాట్ టాపిక్గా మారింది. ఆయన ఒక్కో ఎపిసోడ్ కు ఎంత పుచ్చుకుంటున్నారో తెలిస్తే ఎవ్వరికైనా దిమ్మతిరగాల్సిందే. ఇంతకీ ఎంతో తెలుసా..? రూ.55 లక్షలు అట. ఈ లెక్కల వీకెండ్లో వచ్చే రెండు ఎపిసోడ్లకు గాను నాగార్జున రూ.1.10 కోట్లు రెమ్యునరేషన్ అందుకుంటున్నారన్న మాట.
ఇక సీజన్ ముగిసేసరికి అంటే 15 వారాలకు గాను నాగార్జున రూ.16.50 కోట్ల వరకు పారితోషికం అందుకోబోతున్నట్టు నెటిజన్లు అంచనా వేస్తున్నారు. కాగా, కంటెస్టెంట్స్ విషయానికి వస్తే.. బాలాదిత్య, అభినయ శ్రీ, సింగర్ రేవంత్, యాంకర్ నేహా, కమెడియన్ చలాకీ చంటి, సీరియల్ నటి శ్రీ సత్య, సుదీప, సీరియల్ నటి శ్రీ సత్య, ఇనయా సుల్తానా, యూట్యూబర్ శ్రీహాన్, ఆర్జే సూర్య, కీర్తి భట్, గీతూ, తన్మయ్, ఆది రెడ్డి తదితరుల పేర్లు వినిపిస్తున్నాయి.