Bigg Boss 6: బిగ్ బాస్ సీజన్ సిక్స్ గేమ్ క్లైమాక్స్ కి చేరుకుంది. మూడు వారాలు ఆట మాత్రమే మిగిలి ఉంది. ప్రస్తుతం హౌస్ లో ఎనిమిది మంది ఉన్నారు. ఆరుగురు నామినేషన్ లో ఉన్నారు. ఇదిలా ఉంటే ఈ సీజన్ లాస్ట్ కెప్టెన్ ఇనాయా అనీ అందరికీ తెలుసు. రేషన్ మేనేజర్ గా రోహిత్ ఉన్నాడు. ఈ క్రమంలో మంగళవారం ఎపిసోడ్ లో లగ్జరీ బడ్జెట్ విషయంలో.. ఇంటి సభ్యులకు బిగ్ బాస్ ఊహించిన షాక్ ఇచ్చారు. హౌస్ లో ఉన్న సభ్యులకి పంపిస్తున్న ఫుడ్ ఐటమ్స్ వేస్ట్ చేసిన ఫోటోలను సీక్రెట్ రూంలో రేషన్ మేనేజర్ రోహిత్ కి చూపించడం జరిగింది. దీంతో ఈ వారం లగ్జరీ బడ్జెట్ క్యాన్సిల్ చేయడం జరిగింది.
అయితే హౌస్ లో ఒకానొక టైం లో లిమిటెడ్ ఫుడ్ పంపించేవాళ్లు. కానీ తిండి విషయంలో హౌస్ మేట్స్ పడుతున్న కష్టాలకు నాగార్జున.. కాస్త దయ తలచి అన్ లిమిటెడ్ ఫుడ్ పంపించాలని… షో నిర్వాహకులకి తెలియజేయడంతో… హౌస్ మెట్స్ ఈ విధంగా వ్యవహరించడం జరిగింది అని టాక్. ఎలాగో యాజమాన్యం తిన్నంత రేషన్ పంపిస్తూ ఉండటంతో హౌస్ మేట్స్.. చాలా ఐటమ్స్ వేస్ట్ చేయడం జరిగింది. దీనంతటికీ ప్రధాన కారణం నాగార్జున తీసుకున్న నిర్ణయం అని మంగళవారం ఎపిసోడ్ తర్వాత ఆడియన్స్ నుండి వస్తున్న టాక్.
వాస్తవానికి బిగ్ బాస్ షోలో లిమిటెడ్ రేషన్ లోనే ఆ వారం మొత్తం ఇంటి సభ్యులు అడ్జస్ట్ అవ్వాలి. ఫుడ్ మేనేజ్ చేయడం కూడా గేమ్ లో ఒక బాగమే. కానీ హౌస్ మేట్స్ తిండి కష్టాలు చూసి.. వాళ్లకి నాగార్జున అన్ లిమిటెడ్ ఫుడ్ పంపించటం.. వాళ్ళు వేస్ట్ చేయటంతో ఈ వారం.. లగ్జరీ బడ్జెట్ క్యాన్సిల్ అయింది. దీంతో హౌస్ లో ఇప్పుడు తిండి కష్టాలు మళ్ళీ మొదలైయ్యాయి. సీజన్ చివరిలో అది కూడా హౌస్ లో కొద్దిమంది ఉన్నా గాని లగ్జరీ బడ్జెట్ క్యాన్సిల్ కావడంతో ఇంటి సభ్యులు బాధపడుతున్నారు.