Bigg Boss 6: బిగ్ బాస్ రియాల్టీ షోపై మొదటి నుండి విమర్శలు వస్తున్న సంగతి తెలిసిందే. పలు రాజకీయ పార్టీల నాయకులు ఈ షో బ్యాన్ చేయాలని కోరుతున్నారు. ముఖ్యంగా బిగ్ బాస్ షో పై ఫస్ట్ నుండి సీపీఐ జాతీయ కార్యదర్శి నారాయణ పలు విమర్శలు చేస్తూనే ఉన్నారు. వయసులో ఉన్న వారిని ఒక గదిలో పెట్టి.. గేమ్ ఆడించటం.. వల్ల అనేక అనర్ధాలు జరుగుతాయని సమాజాన్ని తప్పుదోవ పట్టించే విధంగా ఈ కార్యక్రమం ఉందని వెంటనే బ్యాన్ చేయాలని అప్పట్లో వ్యాఖ్యలు చేశారు.
ఇటీవల సీజన్ సిక్స్ స్టార్ట్ అయిన టైంలో కాసులకు కక్కుర్తి పడే వాళ్ళు ఉన్నంతవరకు ఇటువంటి కార్యక్రమాలను ఏం చేయలేము అని అన్నారు. అయితే షో చూస్తున్న వాళ్లు.. ఇటువంటి కార్యక్రమాలు ప్రసారం చేసి సమాజానికి ఏం సందేశం ఇస్తున్నారు అని షోనివాహకులను ప్రశ్నించాలని నారాయణ సూచించారు. అనంతరం బిగ్ బాస్ సీజన్ సిక్స్ శనివారం ఎపిసోడ్ లో ప్రోమోలో.. హౌస్ లో కంటెస్టెంట్లుగా పోటీ పడటానికి వచ్చిన భార్య భర్తలు ఇద్దరు కౌగిలించుకున్న సమయంలో.. పరోక్షంగా నాగార్జున “నారాయణ నారాయణ వాళ్లు పెళ్లి అయిన వాళ్ళు” అని నాగార్జున కామెంట్లు చేయడం జరిగింది.
దీంతో కావాలని నాగార్జున.. ఈ వ్యాఖ్యలు నారాయణ నీ ఉద్దేశించి.. చేసినట్టు వార్తలు వచ్చాయి. ఇటువంటి తరుణంలో గత శనివారం తనపై నాగార్జున కామెంట్లు చేసినట్లు వచ్చిన వ్యాఖ్యలపై నారాయణ తనదైన శైలిలో స్పందించారు. ‘నాగన్నా.. నాగన్నా.. బిగ్ బాస్ షోలో పెళ్లయిన వాళ్లకి శోభనం గదిని ఏర్పాటు చేశారన్నా. మిగిలిన వాళ్లు ఏమైనారు అన్నా?’ అని నారాయణ కౌంటర్ అటాక్ ఇచ్చారు. దీంతో నారాయణ చేసిన వ్యాఖ్యలు సోషల్ మీడియాలో వైరల్ అవుతున్నాయి.