Bigg Boss 6: తెలుగు బిగ్ బాస్ సీజన్ సిక్స్ స్టార్ట్ అయ్యింది. ఆదివారం సాయంత్రం 6 గంటలకు ప్రసారమైన ఈ షోలో దాదాపు 21 మంది హౌస్ లోకి ఎంట్రీ ఇవ్వడం జరిగింది. అయితే ఈ షో పై సిపిఐ పార్టీ అధినేత నారాయణ మరోసారి కీలక వ్యాఖ్యలు చేశారు. గతంలో బిగ్ బాస్ హౌస్ ఒక వ్యభిచార గృహం అని వ్యాఖ్యలు చేశారు. హోస్ట్ నాగార్జున అంటే అసహ్యం అని చెప్పుకొచ్చారు. వయసులో ఉన్న యువతి యువకులను వంద రోజులపాటు ఒకే చోట పెడితే చెడు పనులు జరగవా అని కూడా ప్రశ్నించారు.
ఇదిలా ఉంటే తాజాగా మరోసారి బిగ్ బాస్ షో పై విరుచుకుపడ్డారు. కాసులకు కక్కుర్తి పడే వాళ్ళు ఉన్నంతకాలం వరకు ఇటువంటి షోలు ప్రసారమవుతాయని సంచలన వ్యాఖ్యలు చేశారు. ఇటువంటి షోలు ప్రసారం చేసి ప్రజలకు ఎటువంటి సందేశాలు ఇస్తున్నారు అనేది చూసే ప్రేక్షకులే షో యాజమాన్యాన్ని ప్రశ్నించాలని నిలదీశారు. బిగ్ బాస్ షో అనేది సమయాన్ని వృధా చేసే కార్యక్రమం అని చెప్పుకొచ్చారు. దీంతో మరోసారి నారాయణ చేసిన వ్యాఖ్యలు సంచలనం రేపాయి.
ఎప్పటినుండో బిగ్ బాస్ షో పై నెగిటివ్ కామెంట్స్ వినిపిస్తున్నాయి. మన దేశ సంప్రదాయానికి విరుద్ధంగా ఈ షో ఉందని చాలామంది అంటున్నారు. కానీ టిఆర్పి రేటింగ్ల విషయంలో ఎక్కువగా ఈ షోకి భారీ ఎత్తున రేటింగ్ లు రావడం ప్రేక్షకుల ఆదరణ ఉండటం..తో తెలుగులోనే మాత్రమే కాదు ఇతర భాషల్లో కూడా విజయవంతంగా ప్రసారమవుతూ ఉంది. కానీ పలు రాజకీయ పార్టీల నుండి సామాజిక సంస్థల నుండి బిగ్ బాస్ షో పై మాత్రం నెగటివ్ టాక్ వినిపిస్తోంది.