Bigg Boss 6: బిగ్ బాస్ సీజన్ ఫైవ్, ఓటిటి బిగ్ బాస్ షోలో గేమ్ ఆడిన నటరాజ్ మాస్టర్ తాజాగా “బిగ్ బాస్ కేఫ్” ప్రోగ్రాం లో ఇంటర్వ్యూ ఇవ్వడం జరిగింది. పలు సీజన్ లకు సంబంధించి గేమ్ ఆడిన కంటెస్టెంట్ లు ఈ షోలో ఇంటర్వ్యూలు ఇస్తూ ఉన్నారు. హోస్ట్ గా అరియాన వ్యవహరిస్తోంది. ఇప్పటికే 12 ఎపిసోడ్ లు ముగిసాయి. 13వ ఎపిసోడ్ లో నటరాజ్ మాస్టర్ వచ్చారు. బిగ్ బాస్ షోకి సంబంధించి అనేక ప్రశ్నలు అడిగిన అరియాన.. ప్రస్తుతం జరుగుతున్న సీజన్ సిక్స్ గురించి కూడా ప్రశ్నలు వేసింది.
సీజన్ సిక్స్ లో ఎవరు సేఫ్ గేమ్ ఆడుతున్నారు అని అడిగింది. దానికి నటరాజ్ మాస్టర్ ఏ మాత్రం ఆలోచించకుండా శ్రీహాన్ పేరు చెప్పేశారు. అసలు శ్రీహాన్ సేఫ్ గేమ్ ఆడుతున్నారని మీకు ఎలా అనిపించింది..? అని అరియాన ప్రశ్నించింది. దానికి నటరాజ్ మాస్టర్ సమాధానం ఇస్తూ .. బొమ్మల టాస్క్ సమయంలో తన ఫ్రెండ్ దగ్గర దోచేశాడు అని అన్నారు. కానీ అది టాస్క్ లో భాగం కదా అంటూ అరియాన తెలిపింది. కానీ నాకు మాత్రం శ్రీహాన్ సేఫ్ గేమ్ ఆడుతున్నట్లు అనిపించింది అని సమాధానం ఇచ్చారు.
ఈ సీజన్ లో గుంట నక్క టైటిల్ పెట్టాలనుకుంటే ఎవరికి ఇస్తారు అని..అరియాన ప్రశ్నించింది. దానికి నటరాజ్ మాస్టర్.. గీతూ రాయల్ కి ఈ టైటిల్ చక్కగా సూట్ అవుద్ది అని సమాధానం ఇచ్చారు. ఆమె ఆడుతున్న ఆట తీరు చూస్తుంటే ఒకవేళ హౌస్ లో నేను ఉంటే కచ్చితంగా గొడవలు ఓ రేంజ్ లో అయ్యేవి అని సమాధానం ఇచ్చారు. ఇంకా మిగతా కంటెస్టెంట్ లు శ్రీ సత్య హౌస్ కి వేస్ట్, ఆరోహి దిష్టి చుక్క లాంటిది, నేహా చౌదరి బాగా నటిస్తోంది.. అంటూ తాజా సీజన్ సిక్స్ కంటెస్టెంట్ లపై నటరాజ్ మాస్టర్ తనదైన శైలిల వ్యాఖ్యలు చేశారు.
