Bigg Boss 6: బిగ్ బాస్ సీజన్ సిక్స్ రెండో వారం ఎలిమినేషన్ కి సంబంధించిన నామినేషన్ ప్రక్రియ వాడి వేడిగా జరిగింది. ఈ క్రమంలో హౌస్ నుండి 8 మంది నామినేట్ అయ్యారు. మొత్తం 21 మందిలో రేవంత్, గీతు, ఫైమా, రోహిత్ మెరీనా, ఆదిరెడ్డి, షాని, రాజశేఖర్. వీళల్లో ఎక్కువగా రేవంత్, గీతు లకి భారీగా ఓట్లు పడ్డాయి. ఇద్దరు విషయంలో మాట తీరు కారణంగానే చాలామంది నామినేట్ చేయడం జరిగింది.
ఈ నామినేషన్ ప్రక్రియ లో కెప్టెన్ బాలాదిత్య ఇద్దరినీ నామినేట్ చేయగా మిగతా కుటుంబ సభ్యులంతా ఒక్కొక్కరు ఒకరిని మాత్రమే నామినేట్ చేయాలని బిగ్ బాస్ ఆదేశాలు ఇవ్వటంతో రెండో వారం 8 మంది నామినేట్ కావడం జరిగింది. ఇదిలా ఉంటే మొదటి వారం ఏడుగురు ఎలిమినేషన్ కి నామినేట్ అయితే.. “నో ఎలిమినేషన్” అని… ఎవరిని ఇంటి నుండి బయటకు పంపించలేదు. మరి ఇటువంటి తరుణంలో రెండో వారం ఎవరు ఇంటి నుండి ఎలిమినేట్ అవుతారో.. అన్నది సస్పెన్స్ గా నెలకొంది.
బయట ఓటింగ్ ప్రకారం చూస్తే రేవంత్ ఇంకా పైమాకి భారీగా ఓట్లు పడుతున్నాయి. మొదటి వారంలో కూడా ఈ ఇద్దరు.. నామినేషన్ లో ఉన్నారు. ఆ సమయంలో ఓటింగ్ గ్రాఫ్ ప్రకారం టాప్ స్థానాలలో ఈ ఇద్దరే ఉన్నారు. దీంతో ప్రస్తుతం నామినేషన్ లో ఉన్నవారిలో చాలా వరకు హౌస్ నుండి షాని లేదా రాజశేఖర్ ఇద్దరిలో ఒకరు వెళ్లిపోయే అవకాశాలు ఉన్నట్లు వార్తలు వస్తున్నాయి. ఇద్దరు కూడా చాలా స్లోగా గేమ్ ఆడుతున్నారు. పైగా ఎవరితో కూడా అంతగా ఇంట్రెక్ట్ కావడం లేదన్న టాక్ వస్తోంది. మరి రెండో వారం ఏం జరుగుతుందో చూడాలి.