Bigg Boss 6: బిగ్ బాస్ షోలో వాతావరణం ఎప్పుడు ఒకేలాగా ఉండదు. బిగ్ బాస్ ఇచ్చే ఆదేశాలు భార్యాభర్తల మధ్య గొడవలు కూడా సృష్టించే రీతిగా ఉంటాయి. ఈరోజు స్నేహితులుగా ఉన్నవాళ్లు మరుసటి రోజు శత్రువులు అయిపోయే పరిస్థితులు ఉంటాయి. ప్రేమ, స్నేహం ఇంకా కోపం, ఆకలి.. మనిషికి సంబంధించి ప్రతి ఫీలింగ్ తో బిగ్ బాస్ ఇంటి సభ్యులతో గేమ్ ఆడుకుంటూ ఉంటారు. బయట ప్రపంచానికి దూరంగా ఉంటూ… హౌస్ లో ఏర్పడే స్నేహాలతో కాలం గడుపుతారు ఇంటి సభ్యులు.
ఇదిలా ఉంటే ప్రస్తుతం బిగ్ బాస్ సీజన్ 6 ప్రసారమవుతున్న సంగతి తెలిసిందే. ఏడో వారం గేమ్ నడుస్తోంది. దాదాపు సగం సీజన్ పూర్తయినట్టే. కాగా ఈ సీజన్ స్టార్ట్ అయిన నాటి నుండి ఇంటిలో ఎక్కువగా గొడవలు ఇనాయాకే జరిగాయి. మొదటి వారంలోనే గీతు ఆమెని టార్గెట్ చేసుకుని గేమ్ ఆడింది. ఇక రెండో వారం వచ్చేసరికి ఇనాయాకి శ్రీహాన్ మధ్య గొడవలు స్టార్ట్ అయ్యాయి. వీరిద్దరి మధ్య దాదాపు రెండో వారం నుండి కోల్డ్ వార్ కొనసాగుతూనే ఉంది. ప్రతి నామినేషన్ టైములో ఒకరిని మరొకరు నామినేట్ చేసుకునే వాళ్ళు.
ఈ క్రమంలో నువ్వా నేనా అన్నట్టుగా వాదించుకునేవాళ్లు. నాగార్జున చేత కూడా క్లాస్ పీకించుకున్నారు. కానీ ఏడో వారంలో సీన్ మొత్తం రివర్స్ అయ్యింది. భద్ద శత్రువులుగా ఉండే ఇనాయా.. శ్రీ హాన్ ఇప్పుడు ఫ్రెండ్స్ అయిపోయారు. గురువారం ఎపిసోడ్ లో శ్రీహన్ బర్తడే కావటంతో..ఇనాయా స్పెషల్ కేక్ తయారు చేయడం జరిగింది. ఈ సందర్భంలో శ్రీహాన్…ఇనాయాకి చాలా క్లోజ్ అయ్యారు. ఒకప్పుడు గొడవకే మాట్లాడుకునే ఇద్దరు ఇప్పుడు హౌస్ లో నవ్వుతూ మాట్లాడుకుంటూ.. ఫ్రెండ్స్ అయిపోవటం చూస్తున్న ఆడియెన్స్ కి ఎంతో సంతోషాన్ని కలిగిస్తోంది.