Bigg Boss 6: బిగ్ బాస్ సీజన్ సిక్స్ లో రెండో వారం షాని, అభినయశ్రీ ఎలిమినేట్ కావడం తెలిసిందే. రెండోవారం నామినేషన్ లో ఉన్న సమయం నుండి వీళ్ళిద్దరూ ఓటింగ్ పరంగా చివరిలోనే ఉంటూ వస్తున్నారు. దాదాపు వీకెండ్ ఎపిసోడ్ రాకముందే వీళ్ళిద్దరీలో ఒకరు ఎలిమినేట్ అయ్యే అవకాశాలు ఉన్నట్లు ప్రచారం జరిగింది. కానీ అనూహ్యంగా శనివారం ఎపిసోడ్ లో నాగార్జున డబుల్ ఎలిమినేషన్ అని ఇంటి సభ్యులకు షాక్ ఇచ్చారు. కాగా శనివారం ఎపిసోడ్ నాడు షాని.. హౌస్ నుండి ఎలిమినేట్ అయిపోయాడు. ఈ ఆదివారం ఎపిసోడ్ నాడు అభినయశ్రీ ఎలిమినేట్ అయింది.
ఇక్కడదాకా బాగానే ఉన్నా శనివారం నాడు షాని ఎలిమినేట్ అయ్యాక ఇంటి సభ్యుల చేత మాట్లాడించలేదని ఆదివారం ఎపిసోడ్ తర్వాత విమర్శలు వస్తున్నాయి. అభినయశ్రీ హౌస్ నుండి ఎలిమినేట్ అయ్యాక ఇంటి సభ్యుల చేత మాట్లాడించడం మాత్రమే కాదు.. వరస్ట్, బెస్ట్ పెర్ఫార్మర్ ఆడించారు. కానీ షాని.. విషయంలో అది జరగలేదు. ఇది చాలా అన్యాయమని బిగ్ బాస్ ఆడియన్స్ మండిపడుతున్నారు. ఒకరికి ఒకలాగా మరొకరికి మరోలా… ఎలిమినేట్ అయిన సభ్యుల పట్ల వ్యవహరించారని అంటున్నారు.
ఇద్దరు కూడా పెద్దగా ఆడిందేమీ లేదు అటువంటిది అభినయశ్రీకి మైక్ ఇచ్చి ఇంటి సభ్యుల చేత మాట్లాడించి, షాని నీ ఏం మాట్లాడించకుండానే బయటికి పంపించేయడం … అవమానించడం కింద లెక్కే వస్తుందని ఆడియన్స్ విమర్శిస్తున్నారు. ఇదిలా ఉంటే మూడో వారం ఎలిమినేషన్ నామినేషన్ ప్రక్రియకి సంబంధించిన ప్రోమో ఆదివారం ఎపిసోడ్ తర్వాత విడుదల చేశారు. హౌస్ లో భారీ ఎత్తున గొడవలు జరిగినట్లు చూపించారు. మరోసారి గీతూ రాయల్… సుల్తానా పై తిక్కల్ దానా అంటూ.. నోటికి పని చెప్పింది. అదే రీతిలో సుల్తానా కూడా గట్టిగానే కౌంటర్ ఇచ్చింది. మొత్తం మీద చూసుకుంటే మూడో వారం ఎలిమినేషన్ ప్రక్రియ వాడి వేడిగా జరుగుతున్నట్లు ప్రోమోలో చూపించడం జరిగింది.