Bigg Boss 6: ఐదో వారం హౌస్ కి కొత్త కెప్టెన్ అయినా రేవంత్ వ్యవహరిస్తున్న తీరు హిట్లర్ మాదిరిగా ఉందని ఆడియోన్స్ అంటున్నారు. సీజన్ సిక్స్ లైవ్ కవరేజ్ లో ఇంటి సభ్యులకు కెప్టెన్ రేవంత్ చుక్కలు చూపిస్తున్నారట. కొత్త కొత్త రూల్స్ అమలు చేస్తూ … హిట్లర్ మాదిరిగా నియంతగా వ్యవహరిస్తున్నాడట. ఇంటిలో భోజనం విషయంలో రేవంత్ కొత్త రూల్ తీసుకువచ్చారట. ప్రతి ఒక్కరూ విఐపి లాంచ్ లో భోజనం చేయాలని… అందరూ ఒకేసారి చేయాలని రేవంత్ కొత్త ఆర్డర్ చేయడం జరిగిందట. ఇంకా ఇదే సమయంలో కిచెన్ లో సరుకులో ఇనాయా పెట్టిన ఒక గిన్నె కోసం చాలా పెద్ద గొడవ చేయడం జరిగింది.
ఈ గొడవ విషయంలో నాగార్జున శనివారం ఎపిసోడ్ లో కలుగజేసుకుని రేవంత్ కి గట్టిగానే క్లాస్ తీసుకున్నారు. కెప్టెన్ అనేవాడు గొడవలను సద్దుమణిగించాలి. గొడవలను సృష్టించే విధంగా ఉండకూడదు అంటూ చివాట్లు పెట్టారు. ఈ క్రమంలో కెప్టెన్ గా చాలా కష్టమని నాగార్జునకి రేవంత్ తెలియజేయగా ఇదే సమయంలో నిన్ను కూడా వాళ్ళు భరించటం కష్టమే అంటూ ఇంటి సభ్యులను ఉద్దేశించి నాగార్జున తనదైన శైలి కౌంటర్ ఇచ్చారు. ఏది ఏమైనా కెప్టెన్ అయినా రేవంత్ హౌస్ లో పెడుతున్న కొత్త రూల్స్ ఇంటి సభ్యులకు పెద్ద తలనొప్పిగా మారినట్లు తెలుస్తోంది.
హౌస్ లో ఎప్పటినుండో కెప్టెన్ కావడానికి రేవంత్ అనేక రీతులుగా కృషి చేస్తూ ఉన్నాడు. మనిషి చాలా కోపిష్టి కావడంతో రేవంత్ కెప్టెన్ కాకుండా అంతకు ముందు వారాలలో ఇంటి సభ్యులు ఏదో ఒక రీతిలో అడ్డుకోవడం జరిగింది. గ్రూప్ గేమ్ లేదా రకరకాలుగా రేవంత్ నీ కార్నర్ చేశారు. కానీ ఐదో వారం మాత్రం రేవంత్ కెప్టెన్ కావటంతో… వచ్చిన ఈ అవకాశంతో ఇంటిలో కొత్త కొత్త రూల్స్ తీసుకొచ్చి.. సభ్యులకు రేవంత్ చుక్కలు చూపిస్తున్నారు.
