Bigg Boss 6: బిగ్ బాస్ సీజన్ సిక్స్ ఐదో వారం కెప్టెన్సీ టాస్క్ లో చివరాఖరికి రేవంత్ గెలవడం జరిగింది. హౌస్ లో 17 మందిలో దాదాపు ఎనిమిది మంది రేవంత్ కెప్టెన్ కావటానికి దండేసి మరి మద్దతు తెలిపారు. హౌస్ లో మొదటి నుండి టైటిల్ ఫేవరెట్ గా రేవంత్ పేరు వినపడుతున్న సంగతి తెలిసిందే. ఇక మొదటి వారం నుండి గేమ్ పరంగా రేవంత్ మంచి దూకుడుగా రానిస్తున్నాడు. ఒకపక్క నెగిటివిటీ ఉన్నా గాని హౌస్ లో ఏమాత్రం.. అదరకుండా బెదరకుండా.. ఇంటి సభ్యులకు మంచి పోటీ ఇస్తున్నాడు.
తోటి కంటెస్టెంట్స్ పై గట్టిగా అరవటంతో పాటు చాల సందర్భాలలో వాగ్వాదం చేయటం ఈ రెండు రేవంత్ గేమ్ లో మైనస్ అయినా గాని.. మిగతా విషయాల్లో అద్భుతంగా రాణిస్తున్నాడు. అయినా గాని గత నాలుగు వారాల నుండి కెప్టెన్సీ పోటీదారుల్లో నిలుస్తున్న కెప్టెన్ అయిన దాఖలాలు లేవు. కొన్నిసార్లు కొంతమంది గ్రూప్ గేమ్ ఆడి కూడా రేవంత్ నీ ఓడించిన సందర్భాలు ఉన్నాయి.
కానీ ఐదో వారం ఇంటిలో చాలామంది రేవంత్ కెప్టెన్ కావడానికి మద్దతు తెలిపారు. ప్రారంభంలో సూర్యకి ఓట్లు పడగా చివరిలో రేవంత్ కి భారీగా పడ్డాయి. ఇదిలా ఉంటె బిగ్ బాస్ సీజన్ సిక్స్ స్టార్ట్ అయినా మొదటినుండి హౌస్ లో ఇనాయాకి రేవంత్ కి గొడవలు అవుతూ ఉండటం తెలిసిందే. అటువంటి ఇనాయా… రేవంత్ కి సపోర్ట్ చేయడం శుక్రవారం ఎపిసోడ్ లో హైలెట్ గా నిలిచింది. ఇనాయా సపోర్ట్ చేయటంతో హౌస్ లో ఇంటి సభ్యులతో పాటు రేవంత్ సైతం షాక్ కావడం జరిగింది. చాల వరకు ఇనాయా …సూర్యకి సపోర్ట్ చేస్తారని అనుకున్నారు. కానీ రేవంత్ కి సపోర్ట్ చేయడం జరిగింది.