Bigg Boss 6: బిగ్ బాస్ సీజన్ సిక్స్ స్టార్ట్ అయిన నాటినుండి హౌస్ లో రేవంత్ చాలా దూకుడుగా గేమ్ ఆడుతున్న సంగతి తెలిసిందే. ఫిజికల్ టాస్క్ ఇంకా ఎంటర్టైన్మెంట్ టాస్క్..ఇలా బిగ్ బాస్ ఏది ఇచ్చినా గాని రేవంత్ తన బెస్ట్ ఇస్తాడు. ఈ క్రమంలో గేమ్ కోసం ఒక్కోసారి ఫిజికల్ అయిపోయి మరి .. ఆవేశ పడిపోతూ ఉంటాడు. ఏది ఏమైనా చాలా వరకు ఈ సీజన్ లో రేవంత్ మొదటి నుండి చాలా స్ట్రాంగ్ కంటెస్టెంట్ గా రానిస్తున్నాడు. ఈ క్రమంలో 11వ వారంలో గురువారం ఎపిసోడ్ లో మరోసారి కెప్టెన్ అయ్యి… బిగ్ బాస్ సీజన్ సిక్స్ లో సరికొత్త రికార్డు సృష్టించాడు.
విషయంలోకి వెళ్తే ఇప్పటివరకు ఈ సీజన్ లో ఎవరు కూడా రెండుసార్లు కెప్టెన్ కాలేదు. ఫస్ట్ టైం రేవంత్ రెండుసార్లు కెప్టెన్ అయ్యాడు. మూడవ వారంలో మరియు పదకొండవ వారంలో కెప్టెన్ గా నిలిచాడు. ఇక బయట ఓటింగ్ పరంగా కూడా మొదటి స్థానంలో రేవంత్ ఉండటం జరిగింది. దీంతో ఓవరాల్ గా చూసుకుంటే.. ఈ సీజన్ లో రేవంత్ టైటిల్ కొట్టే అవకాశాలు ఉన్నట్లు టాక్ వస్తుంది. ఈ వారం నామినేషన్ లో ఉన్నాడు.
ఇదంతా పక్కన పెడితే 11వ వారం కెప్టెన్ టాస్క్ “కెప్టెన్సీ గోల్”…లో చాలావరకు గ్రూప్ గేమ్ మాదిరిగా.. ఆడటం జరిగింది. రేవంత్ మరియు శ్రీహాన్ కలసి మిగతా కంటెస్టెంట్ లను ఓడించి చివరిలో ఇద్దరు పోటీ పడ్డారు. చివర ఆఖరికి రేవంత్ గెలవడం జరిగింది. అయితే ఈ గేమ్ లో ఇనాయా మిగతా ఇంటి సభ్యులకు మంచి పోటీ ఇచ్చింది. ఉద్దేశపూర్వకంగా తన ఓడించాలని రేవంత్ ప్రయత్నించిన గాని అతన్ని బాగా ఎదుర్కోవటం ఎపిసోడ్ మొత్తానికి హైలైట్ గా నిలిచింది.