Bigg Boss 6: అందరూ అనుకున్నట్టుగానే రెండో వారం షాని హౌస్ నుండి ఎలిమినేట్ అయ్యారు. సీజన్ 6 మొట్టమొదటి ఎలిమినేట్ అయిన కంటెస్టెంట్ గా షాని శనివారం ఎపిసోడ్ లో హౌస్ నుండి బయటకు వచ్చేయడం జరిగింది. చాలా అవకాశాలు వచ్చినా గాని బిగ్ బాస్ లో ఉపయోగించుకోలేదు అని..వేదిక పై వచ్చిన షానితో నాగార్జున తెలపడం జరిగింది. అయితే తాను జనాలను ఎంటర్టైన్మెంట్ బిగ్ బాస్ లో చేయలేదని షాని ఒప్పుకున్నాడు. అనంతరం సినిమా రంగంలో ఖచ్చితంగా రాణిస్తానని మాట ఇచ్చాడు. ఆ తర్వాత నాగార్జున ఆల్ ది బెస్ట్ చెప్పటంతో షాని వెళ్ళిపోయాడు.
ఇదిలా ఉంటే రెండో వారం ఎలిమినేషన్ నామినేషన్ ప్రక్రియలో షాని పేరు ఉండిన నాటి నుండి అతడే ఎలిమినేట్ అవుతాడని బాగా ప్రచారం జరిగింది. ఓటింగ్ పరంగా కూడా మనోడు మొదటి నుండి చివర్లోనే ఉన్నాడు. రెండో వారంలో షానికి సంబంధించి ఫిజికల్ టాస్క్ పరంగా.. ఎంటర్టైన్మెంట్ పరంగా… ఫుటేజ్ కూడా పెద్దగా ఏమీ లేదు. సో అందరూ అనుకున్నట్టుగానే రెండో వారం షాని ఇంటి నుండి ఎలిమినేట్ కావడం జరిగింది. ఇదిలా ఉంటే శనివారం ఎపిసోడ్ స్టార్ట్ అయిన ప్రారంభంలో డబల్ ఎలిమినేషన్ అని నాగార్జున ప్రకటించడం జరిగింది.
అయితే శనివారం ఎపిసోడ్ లో షాని.. ఎలిమినేట్ కావటంతో ఆదివారం.. ఎవరు ఎలిమినేట్ అవుతారు అన్నది ఇప్పుడు సస్పెన్స్ గా మారింది. చాలావరకు అభినయశ్రీ ఎలిమినేట్ అయ్యే అవకాశాలు ఉన్నట్లు బయట ప్రచారం జరుగుతుంది. ఓటింగ్ పరంగా కొద్దిపాటి తేడాతో షాని కంటే పైన ఉంది. మరి ఆదివారం ఏం జరుగుతుందో చూడాలి.