Bigg Boss 6: బిగ్ బాస్ సీజన్ సిక్స్ లో తొమ్మిదో వారంలో గీతూ ఎలిమినేట్ కావడం తెలిసిందే. బిగ్ బాస్ రివ్యూర్ గా బయట మంచి క్రేజ్ ఉన్న గీతూ… ఈ సీజన్ స్టార్టింగ్ నుండి చాలా దూకుడు గేమ్ ఆడింది. కానీ కొన్ని విషయాలలో అన్న వ్యవహరించిన తీరు ఆమెకు పెద్ద మైనస్ అయ్యింది. మాటతీరు విషయంలో ఇంకా అవతల వారు చెప్పే విషయాన్ని పెద్దగా వినకుండా… చిరాకు పడటం, ఇంకా బిగ్ బాస్ ఇచ్చే టాస్క్ లలో అనవసరమైన చెత్త లూప్స్ వెతికి టాస్క్ ముందుకెళ్లకుండా చేయటం వంటివి చేయడంతో ఆమె ఎలిమినేట్ అయినట్లు బయట జనాలు భావిస్తున్నారు.
ఆదివారం ఎపిసోడ్ లో గీతూ ఎలిమినేషన్ సంచలనం సృష్టించింది. ఇంత తొందరగా తాను ఎలిమినేట్ అవుతుందని అసలు ఊహించలేకపోయింది. దీంతో హౌస్ లో బోరున ఏడ్చేసింది. ఇంటిలో మాత్రమే కాదు వేదికపై నాగార్జున పక్కన నించుని కూడా … తన ఓటమిని అంగీకరించలేకపోయింది. ఇదిలా ఉంటే ఈ సీజన్ లో ఎలిమినేట్ అవుతున్న ప్రతి ఒక్కరిని “బీబీ కేఫ్” లో యాంకర్ శివ ఇంటర్వ్యూ చేస్తున్న సంగతి తెలిసిందే. దీనిలో భాగంగా తొమ్మిదో వారం హౌస్ నుండి ఎలిమినేట్ అయిన గీతూనీ యాంకర్ శివ ఇంటర్వ్యూ చేయడం జరిగింది.
ఈ ఇంటర్వ్యూలో కూడా గీతూ ఏడుస్తూనే ఉంది. అయితే హౌస్ లో అంట్లు తోమే విషయం గురించి ప్రస్తావన వచ్చిన సమయంలో తనకి అటువంటి పనులు చేయటం ఇష్టం లేదని తెలిపింది. దీంతో యాంకర్ శివ.. అసలు నువ్వు బయట అంట్లు ఎప్పుడు దోమ లేదా అని ప్రశ్న వేశాడు. దానికి గీతూ.. నేనెప్పుడూ బయట అంట్లు తోము లేదని చెప్పింది. కానీ బిగ్ బాస్ హౌస్ లో రాకముందు గీతూ… అంట్లు తోమే దాని గురించి ఓ స్పెషల్ వీడియో చేయడం జరిగింది. ఆ వీడియోని ప్లే చేయటంతో ఒక్కసారిగా..గీతూకి షాక్ ఇచ్చినట్లయింది. ఈ క్రమంలో వేరే వాళ్ళు ఎంగిలి చేసిన అంట్లు తనకి తోమటం ఇష్టం లేదని కవర్ చేసుకునే ప్రయత్నం చేసింది. ఈ ఇంటర్వ్యూలో… అసలు తాను ఎంత త్వరగా బయటికి వస్తానని ఊహించలేదంటూ తన ఓటమిని జీర్ణించుకోలేకపోతోంది.