Bigg Boss 6: తెలుగు బిగ్ బాస్ సీజన్ సిక్స్ ఆదివారం స్టార్ట్ అయిన సంగతి తెలిసిందే. దాదాపు 21 మంది టైటిల్ కోసం బరిలోకి దిగారు. ఇప్పటికే మొదటి రోజు ఎపిసోడ్ కి సంబంధించి ప్రోమో లు ఎంతగానో ఆకట్టుకోవడం జరిగింది. గీతూ రాయల్ ఇంకా సింగర్ రేవంత్ ఇద్దరూ ఎవరికివారు తగ్గగానే అన్న తరహాలో వ్యవహరిస్తున్నారు. మరోపక్క ఏడుపులు ఇంకా గొడవలు కూడా స్టార్ట్ అయిపోయాయి.
ఇటువంటి తరుణంలో బిగ్ బాస్ షో గురించి సింగర్ స్మిత నెగిటివ్ కామెంట్లు చేసింది. “ఆ షోని చూడను. చూసిన అది నాకు అర్థం కాదు. కొంతమందిని ఒకే చోట పెట్టి… మీరు తన్నుకోండి మేము టిఆర్పి రేటింగులు తెచ్చుకుంటాం.. అన్నట్టు ఉంటుంది. ఆ షో లోకి వెళ్ళే అవకాశం వచ్చినా పొరపాటున కూడా వెళ్లి తప్పు చేయను. తెలిసినవాళ్లు ఎవరైనా అక్కడి కి వెళ్తున్నారని తెలిస్తే..”ఏం వచ్చింది మీకు? అని ప్రశ్నిస్తా అంటూ ఇటీవల ఇంటర్వ్యూలో సింగర్ స్మిత.. బిగ్ బాస్ షోపై నెగిటివ్ కామెంట్లు చేయడం వైరల్ గా మారింది. మరోపక్క ఇదే తరహాలో రాజకీయ నాయకుడు సీపీఐ పార్టీ అధినేత నారాయణ కూడా నెగిటివ్ కామెంట్లు చేశారు.
కాసులకు కక్కుర్తి పడే వాళ్ళు ఉన్నంతకాలం ఇటువంటి షోలు ప్రసారమవుతాయని విమర్శించారు. చూసే వీక్షకులు.. ఇలాంటి షో ప్రసారం చేయడం వల్ల ఎటువంటి సందేశం ఇస్తున్నారు.. అని షో యాజమాన్యాన్ని ప్రశ్నించాలని కూడా నిలదీశారు. బిగ్ బాస్ షో అనేది కేవలం సమయాన్ని వృధా చేసే షో అని అభివర్ణించారు. మొత్తం మీద చూసుకుంటే బిగ్ బాస్ రియాల్టీ షో పై రాజకీయ నాయకులతో పాటు మరోపక్క సెలబ్రిటీలు సైతం నెగిటివ్ కామెంట్లు చేయడం సంచలనం రేపుతోంది.
