Bigg Boss 6: బిగ్ బాస్ రియాల్టీ షో తెలుగులో ప్రస్తుతం ఆరో సీజన్ రన్ అవుతున్న సంగతి తెలిసిందే. ఇంకా రెండు వారాలు ఆట మాత్రమే మిగిలి ఉంది. హౌస్ లో మొత్తం 21 మంది సభ్యులు టైటిల్ గెలవడానికి హౌస్ లో ఎంట్రీ ఇవ్వగా ప్రజెంట్ ఏడుగురు సభ్యులు ఉన్నారు. వీరిలో ఆరుగురు నామినేషన్ లో ఉన్నారు. ఈ వారం ఎవరు ఎలిమినేట్ అవుతారు అన్నది చాలా ఆసక్తికరంగా మారింది. టాప్ ఫైవ్ లో ఎవరుంటారు అన్నది కూడా టెన్షన్ గా నెలకొంది. ఇంక రెండు రోజులు మాత్రమే ఓటింగ్ ప్రక్రియ ఉండటంతో లెక్కలు మారే అవకాశాలు ఉన్నట్లు వార్తలు వస్తున్నాయి.
శ్రీహన్ ఆల్ రెడీ ఫైనల్ విక్ కి చేరుకున్నాడు. అయితే బయట జరుగుతున్న ఓటింగ్ ప్రక్రియ ప్రకారం వచ్చే వారం చివరి వారం కావడంతో ఈ వీకెండ్ లో డబుల్ ఎలిమినేషన్ గ్యారెంటీ అని టాక్. ఇదంతా పక్కన పెడితే ఈ సీజన్ లో స్టార్టింగ్ నుండి టైటిల్ ఫేవరెట్ గా సింగర్ రేవంత్ పేరు వినపడుతున్న సంగతి తెలిసిందే. మనోడు నామినేషన్ లో ఉన్న ప్రతిసారి.. అందరికంటే ఎక్కువ ఓట్లు రాబడుతున్నాడు. పైగా అంతకుముందు ఇండియన్ ఆయిల్ టైటిల్ గెలవడంతో బయట మంచి ఫాలోయింగ్ ఉంది. ఇక ఈ సీజన్ లో ఫిజికల్ టాస్కులు పరంగా… గేమ్ పరంగా దూకుడుగా ఆడాడు. కోపం కెప్టెన్ అయిన సమయంలో తీసుకున్న కొన్ని నిర్ణయాలు మాత్రం అతనికి మైనస్.
దీంతో ప్రస్తుతం బయట జరుగుతున్న ప్రచారం ప్రకారం రేవంత్ గెలిచే అవకాశాలున్నట్లు వార్తలు వస్తున్నాయి. ఒకవేళ రేవంత్ గెలిస్తే మాత్రం తెలుగు బిగ్ బాస్ షోలో సెంటిమెంట్ రిపీట్ అయినట్టే అని ఆడియోన్స్ అంటున్నారు. ఎందుకంటే గతంలో తెలుగు బిగ్ బాస్ షోలో సింగర్స్ రాహుల్ సిప్లిగంజ్ మూడో సీజన్ టైటిల్ గెలిచాడు. సీజన్ ఫైవ్ లో శ్రీరామచంద్ర టాప్ ఫైవ్ లో నిలిచాడు. ఇంకా పలు సింగర్స్ ఫైనల్ వీక్ దాక చేరుకోవడం జరిగింది. దీంతో రేవంత్ టైటిల్ గెలిస్తే మాత్రం తెలుగు సింగర్ లకి బిగ్ బాస్ షో కలిసొచ్చినట్లే అని అంటున్నారు.
