Bigg Boss 6: బిగ్ బాస్ షోలో గెలవాలంటే ఖచ్చితంగా హౌస్ లో ఉన్న సభ్యుల మనసులతోపాటు చూసే ప్రేక్షకుల అభిమానం కూడా సంపాదించుకోవాలి. ప్రతి సందర్భంలో చాలా ఆచితూచి అడుగులు వేస్తూ… ఒకపక్క వ్యక్తిత్వాన్ని కాపాడుకుంటూ మరో పక్క బిగ్ బాస్ ఇచ్చే సవాళ్లను స్వీకరించాలి. ఈ రీతిగా రాణిస్తేనే బిగ్ బాస్ టైటిల్ గెలిచే అవకాశాలు ఉంటాయి. ప్రస్తుతం సీజన్ సిక్స్ రన్ అవుతున్న సంగతి తెలిసిందే. అయితే ఈ సీజన్ టైటిల్ బరిలో సూర్యా పేరు కూడా వినపడుతూ ఉంది.
ఫిజికల్ గా మనోడు మంచి హైట్.. ఫీట్ గా ఉండటంతో పాటు మిమిక్రీ చేస్తూ మంచి ఎంటర్టైన్మెంట్ అందించే కంటెస్టెంట్. ఆట పరంగా మొదటివారం సూర్య పట్ల చూస్తున్న జనాలకు హౌస్ లో ఆడుతున్న సభ్యులకు మంచి ఇంప్రెషన్ ఏర్పడింది. కానీ రెండో వారంలో మనోడు ఆడుతున్న ఆటతీరుకు ఆడియోన్స్ నుండి తీవ్ర స్థాయిలో విమర్శలు వస్తున్నాయి. రాత్రులు కిచెన్ లో దొంగతనం చేయడంతో పాటు ఎక్కువగా ఆరోహితో అర్ధరాత్రి మీటింగ్ లు పెట్టడం పట్ల నెగిటివ్ విమర్శలు వస్తున్నాయి.
ఆరోహితో అనవసరంగా గొడవలు పెట్టుకుని డిస్కషన్లు చేసుకుని సూర్య మైనస్ అవుతున్నాడని జనాలంటున్నారు. గేమ్ పరంగా ఆరోహి… ఇప్పటిదాకా పెద్దగా పొడిచింది ఏమీ లేదు. కానీ సూర్య చాలా స్ట్రాంగ్ కంటెస్టెంట్. మరి అటువంటి సూర్య ఆరోహితో అనవసరమైన ముసలమ్మ ముచ్చట్లు అర్ధరాత్రి పెట్టుకొని.. తన గేమ్ తానే చెడగొట్టుకుంటున్నాడనీ అంటున్నారు. రాబోయే రోజుల్లో సూర్య ఆట తీరు మారకపోతే తొందరగానే ఆరోహి కారణంగా బయటకు వచ్చే అవకాశాలు ఉన్నాయని టాక్ నడుస్తోంది. ఇదిలా ఉంటే రెండోవారం కెప్టెన్సీ పోటీదారులలో ఉన్న సూర్య.. కెప్టెన్ గా ఓడిపోయినట్లు బిగ్ బాస్ లైవ్ ద్వారా వార్తలు వస్తున్నాయి.
