Bigg Boss 6: ప్రపంచ రియాల్టీ షో లలో బిగ్ బాస్ కి మంచి క్రేజ్ ఉన్న సంగతి తెలిసిందే. ఈ షో ద్వారా ఓవర్ నైట్ లో స్టార్ గా మారిపోయిన వాళ్ళు చాలామంది ఉన్నారు. ఇదే సమయంలో బయట స్టార్ గా ఉండి..హౌస్ లో మన పాపులారిటీ మొత్తం పోగొట్టుకున్న వాళ్ళు కూడా ఉన్నారు. ఎవరినైనా పైకి లేపాలి అన్న కిందకి దించేయాలి అన్న.. బిగ్ బాస్ షోలో అది సర్వసాధారణం. అటువంటి ఈ షో ఇండియాలో ఫస్ట్ టైం హిందీలో ప్రారంభమైంది. ఉత్తరాది ప్రేక్షకులను బిగ్ బాస్ రియాల్టీ షో బాగా ఆదరించటంతో… తర్వాత దక్షిణాదిలో ప్రారంభమయింది. తెలుగులో ఇప్పటివరకు ఐదు సీజన్లు కంప్లీట్ కాక సెప్టెంబర్ 4 ఆదివారం సాయంత్రం నుండి ఆరో సీజన్ స్టార్ట్ అయింది.
ఇదిలా ఉంటే బిగ్ బాస్ హౌస్ లోకి సభ్యులుగా సెలెక్ట్ చేసే విధానంలో తెలుగులో ఒక ఫార్మేట్ ఎప్పటినుండో షో నిర్వాహకులు ఫాలో అవుతున్నారు. తెలుగు ప్రముఖ న్యూస్ ఛానల్ యాంకర్స్, మోడలింగ్ రంగంలో రాణించే వాళ్లు, సీరియల్ యాక్టర్స్, జబర్దస్త్ కమెడియన్స్ వంటి వారిని తీసుకుంటూ వీళ్ళతో పాటు ఒక సీనియర్ సిటిజన్.. తరహాలో పెద్ద వయసు ఉన్న వాళ్ళని గత సీజన్లలో సభ్యులుగా షోనిర్వాహకులు తీసుకున్నారు. కానీ సీజన్ సిక్స్ లో 20 మంది కూడా మొత్తం అంతా యూత్ కి సంబంధించిన వాళ్లే. ఎక్కడా కూడా వయసు మీద పడిన వాళ్ళు.. పెద్దవాళ్లు ఎవరికి ఛాన్స్ ఇవ్వలేదు.
సో దీన్నిబట్టి చూస్తే బిగ్ బాస్ సీజన్ సిక్స్ చాలా పోటాపోటీగా ఉండనున్నట్టు అర్థమవుతుంది. కీర్తి కేశవ్ భట్, పింకీ, సిరి బాయ్ ఫ్రెండ్ శ్రీహాన్, యాంకర్ నేహా చౌదరి, చలాకి చంటి, నటి శ్రీ సత్య, అర్జున్ కళ్యాణ్, గీత రాయల్, అభినయశ్రీ, కపుల్స్ జంట రోహిత్ ..మెరీనా, బాలాదిత్య, వాసంతి కృష్ణన్, షానీ, ఇనయా సుల్తానా, ఆర్జె సూర్య, ఫైమా, ఆదిరెడ్డి, రాజశేఖర్, అరోహి రావ్‌, సింగర్ రేవంత్ వీళ్లు బిగ్ బాస్ సీజన్ సిక్స్ కి సంబంధించి టైటిల్ కోసం ప్రస్తుతం హౌస్ లో ఉన్నారు. మీ ఊరిలో ఎవరికీ టైటిల్ వరిస్తుందో చూడాలి.
