Bigg Boss 6: బిగ్ బాస్ సీజన్ సిక్స్ ఏడో వారం కెప్టెన్సీ టాస్క్ లేకుండా పోయిన సంగతి తెలిసిందే. కారణం గత కొద్ది వారాలుగా హౌస్ లో సభ్యులు సరిగ్గా గేమ్ ఆడక ఇష్టానుసారంగా వ్యవహరించడంతో.. ఈవారం కెప్టెన్సి టాస్క్ తీసేశారు. అంతేకాకుండా టాస్కులు గెలిచి ఫుడ్ తినాలని కండిషన్ పెట్టడం జరిగింది. ఈ రీతిగా దాదాపు మూడు రోజులపాటు వ్యవహరించిన తర్వాత ఇంటి సభ్యులకు బిగ్ బాస్ మళ్ళీ అన్ని సదుపాయాలు కల్పించారు. ఈ క్రమంలో హౌస్ లో రెడ్ మరియు బ్లూ టీం లుగా రెండు జట్టులను విభజించి టాస్క్ లు నిర్వహించారు. ఒక టీంకు శ్రీ సత్య కెప్టెన్ అయితే మరో జట్టుకి ఇనాయా కెప్టెన్ గా ఉన్నారు.
అయితే ఇచ్చిన టాస్కులలో ఇనాయా టీం గెలవడం జరిగింది. ఈ క్రమంలో ఓడిపోయిన టీంలో నేరుగా ఒకరు వచ్చే వారానికి నామినేట్ కావాలని బిగ్ బాస్ ఆదేశాలు ఇవ్వటంతో.. ఓడిపోయిన టీంలో అందరూ చర్చించుకుని ఎక్కువ ఓట్లు వాసంతికి వేయడం జరిగింది. ఇక డిజాస్టర్ కంటెస్టెంట్ విషయంలో ఇంటి సభ్యులంతా ఎవరికి వారు చర్చించుకుని జరిగిన ప్రక్రియలో చాలామంది వాసంతికి డిజాస్టర్ బ్యాజ్ ఇవ్వడంతో ఆమె జైలుకు వెళ్లడం జరిగింది.
ఈ రీతిగా ఏడో వారంలో వాసంతి వచ్చేవారానికి నామినేట్ కావడంతో పాటు జైలుకు వెళ్లడంతో దెబ్బ మీద దెబ్బ తగిలినట్లు అయింది. ఓడిపోయిన ఇంటి సభ్యులంతా తనకి ఎక్కువగా ఓట్లు వేయటంతో వాసంతి కన్నీరు పెట్టుకోంది. ఇంకా డిజాస్టర్ బ్యాడ్జి పెట్టాలని టాస్క్ లో కూడా ఎక్కువగా వాసంతికి ఓట్లు పడటంతో ఆమె జైలుకు వెళ్లడం జరిగింది. శుక్రవారం ఎపిసోడ్ లో గీతూ, రేవంత్, రాజ్ లతో వాసంతికి గట్టిగానే గొడవలు జరిగాయి.