Bigg Boss 6: బిగ్ బాస్ సీజన్ సిక్స్ 11 వారాల గేమ్ అయిపోయింది. హౌస్ లో 21 మంది ఎంట్రీ ఇవ్వగా… 11 మంది ఎలిమినేట్ కావటంతో ప్రస్తుతం హౌసులో పదిమంది ఉన్నారు. 11వ వారంలో… మేరీనా ఇంటి నుండి వెళ్లిపోయే అవకాశాలున్నట్లు… బయట వార్తలు వస్తున్నాయి. ఇదిలా ఉంటే పదవ వారంలో హౌస్ నుండి డబల్ ఎలిమినేషన్ క్రమంలో రెండో కంటెస్టెంట్ వాసంతి ఎలిమినేట్ కావటం తెలిసిందే. ఈ క్రమంలో తాజాగా ఆమె బయట ఇంటర్వ్యూ ఇవ్వటం జరిగింది. ఈ సందర్భంగా బిగ్ బాస్ హౌస్ లో పరిస్థితిలు, తన 70 రోజుల జర్నీ ఇంకా అనేక విషయాల గురించి వాసంతి తెలియజేసింది.
బిగ్ బాస్ హౌస్ లో 10 వారాలు పాటు ఉండటం అన్నది సామాన్యమైన విషయం కాదు. అయితే హౌస్ లో ప్రతి వారం ఎవరు ఎలిమినేట్ అవుతారు అన్నది..స్టార్టింగ్ లో అందరికీ ఒక ఐడియా ఉండేది. కానీ ఎప్పుడైతే ఓ ఇద్దరూ ఎలిమినేట్ అయిపోయారో..అప్పటినుండి అందరీ అంచనాలు మారిపోయాయి. సూర్య, గీతూ ఎలిమినేషన్ తో.. హౌస్ లో ఏ క్షణం ఎవరైనా బయటకు వెళ్ళిపోవచ్చు అనే అభిప్రాయానికి ఇంటి సభ్యులంతా వచ్చేసాము. ఇక నా గేమ్ కి వచ్చేసరికి నేను ఎక్కువగా ఎవరితో కూడా ఏ విషయం షేర్ చేసే దానిని కాదు. ఇతరుల దగ్గరికి వెళ్లి నా గురించి చెప్పుకోవడం అనేది.. అలవాటు లేదు. బిగ్ బాస్ హౌస్ లో ఎంట్రీ ఇచ్చి ఎలిమినేట్ అయిన తర్వాత బయటకు వచ్చాక.. ఎక్కువగా బరువు తగ్గిపోతారు.
బరువు తగ్గడానికి కారణం హౌస్ లో తిండి వల్ల కాదు, అక్కడ ఏర్పడే మెంటల్ టెన్షన్ వాతావరణం.. కారణంగా తిన్నది వంట పట్టదు. ఎప్పుడు ఏం జరుగుతుంది..? ఎలా చేయాలి..? అనే విషయాలే… మైండ్ లో ఆడుతూ ఉంటాయి. దీంతో అందరూ సన్నబడుతూ ఉంటారు. నేను హౌస్ లో ఎంట్రీ ఇచ్చిన సమయంలో 53 కేజీలు ఉంటే ఇప్పుడు 47 కేజీలకు వచ్చేసాను. ఆరు కేజీలు బరువు తగ్గటంతో నా డ్రెస్ లు ఇప్పుడు చాలా వరకు లూజ్ అయ్యాయి అంటూ వాసంతి ఇంటర్వ్యూలో కీలక వ్యాఖ్యలు చేయడం జరిగింది.