Bigg Boss 6: బిగ్ బాస్ సీజన్ 6 రెండో వారం కెప్టెన్సీ పోటీదారుల టాస్క్ మంగళవారం జరిగింది. సిసింద్రీ అనే టాస్క్ ఇంటి సభ్యులకు బిగ్ బాస్ ఇవ్వడం జరిగింది. అయితే ఈ క్రమంలో ప్రతి ఇంటి సభ్యుడికి ఒక బేబీ బొమ్మను ఇవ్వటం జరిగింది. ఆ బొమ్మ ఆలనా పాలన చూసుకుంటూనే మరో పక్క బిగ్ బాస్ ఇచ్చే ఆదేశాలను పాటించాలి. అయితే ఇదే సమయంలో ఇంటి సభ్యులు ప్రతి ఒక్కరు తమకి ఇచ్చిన బేబీ బొమ్మను కాపాడుకోవాల్సి ఉంటుంది. ఈ క్రమంలో మొదటి చాలెంజింగ్ టాస్క్ “సక్స్ అండ్ షేప్స్” కి రేవంత్, చంటి, ఫైమా, ఆరోహి, గీతు అర్హత సాధించారు.
అయితే ఈ టాస్క్ లో చంటి గెలిచి.. రెండో వారం మొదటి కెప్టెన్సీ పోటీదారుడుగా సెలెక్ట్ అయ్యాడు. వాస్తవానికి ఈ టాస్క్ లో రేవంత్ గెలవాలి. ఫైమా ఆడిన రాంగ్ గేమ్ కి రేవంత్ ఓడిపోయాడు. ఇదిలా ఉంటే “సక్స్ అండ్ షేప్స్” టాస్క్ అయిపోయిన అనంతరం రేవంత్ తన బొమ్మ దగ్గర పెట్టుకోకుండా అజాగ్రత్తగా ఉండటంతో.. వెంటనే గీతు.. రేవంత్ బేబీని లాస్ట్ అండ్ ఫౌండ్ జోన్ లో వేయడం జరిగింది. దీంతో రేవంత్ రెండో కెప్టెన్సీ పోటీదారుడికి అనర్హుడు అయిపోయాడు.
ఇదే రీతిలో శ్రీ సత్య, అభినయశ్రీ బొమ్మలను కూడా గీతు తీసుకెళ్లి లాస్ట్ అండ్ ఫౌండ్ జోన్ లో.. వేసేసింది. ఈ పరిణామంతో మొత్తం రెండో వారం రేవంత్, శ్రీ సత్య, అభినయశ్రీ కెప్టెన్సీ టాస్క్ లో అనర్హులుగా మిగిలిపోయారు. సిసింద్రీ టాస్క్ లో.. గీతు చాలా దూకుడుగా గేమ్ ఆడింది. ఒకపక్క ఛాలెంజింగ్ టాస్క్ కోసం పోటీ పడుతూనే మిగతా కంటెస్టెంట్ల బొమ్మలను లాస్ట్ అండ్ జోన్ లో వేయటానికి.. ప్రయత్నాలు చేస్తూ రెండోవారం కెప్టెన్సీ టాస్క్ లో అదిరిపోయే పెర్ఫార్మన్స్ ఇచ్చింది.
