AP Politics : పరిషత్ ఎన్నికల కోసం ప్రభుత్వం సిద్ధమవుతోంది. ఎన్నికల కమీషన్ కూడా నోటిఫికేషన్ ఇచ్చేసింది. మరో వారంలోనే పోలింగ్.., అక్కడికి రెండు రోజుల్లోనే ఫలితాల ప్రకటనకి ఎన్నికల కమీషనర్ నీలం సాహ్ని చక చక అడుగులు వేయిస్తున్నారు. తెరవెనుక కొందరు పెద్దలు నడిపిస్తున్నారు. అయితే ఇది అంత సులువు కాదు. కొన్ని చిక్కులున్నాయ్. అందుకే టీడీపీ, బీజేపీ, జనసేన తదితర పార్టీలు ఆ చిక్కులను వాడుకుని కోర్టుకి వెళ్లాయి. టీడీపీ అయితే ఎన్నికల బహిష్కరణకు సిద్ధమవుతోంది. ఆ చిక్కులేమిటి..? ఎన్నికల కమీషన్ ఎదుర్కోగలదా..? అనేది పరిశీలించాల్సిన విషయం..!
AP Politics : సుప్రీమ్ కోర్టు ఏం చెప్పింది..!?
పరిషత్ ఎన్నికల విషయంలో ఇటీవల అనేక అంశాలు కోర్టుకి వెళ్లాయి. ఓ సందర్భంలో సుప్రీమ్ ఇచ్చిన తీర్పులో “ఎన్నికల నిర్వహణకు కనీసం నాలుగు వారాలు గడువు ఉండాలి. నాలుగు వారాలు ముందు అనుమతి తీసుకోవాలి అని పేర్కొంది. కానీ ఈ నోటిఫికేషన్ లో అలా లేదు. ఈ అంశమే ఇప్పుడు కీలకం కానుంది ఈ పాయింట్ పట్టుకుని ఈరోజు టీడీపీ, బీజేపీ కోర్టులో పిటిషన్ వేసాయి. ఈ చిక్కుని ఎదుర్కోవడం ఎన్నికల కమీషన్ కి అంత ఈజీ కాదు.
* ఓ వైపు తిరుపతి ఉప ఎన్నిక ఉండగా.. మధ్యలో అతి తక్కువ సమయంలో పరిషత్ ఎన్నికలు ముగించేయాలి అని ఎన్నికల కమీషన్ నోటిఫికేషన్ ఇవ్వడం నైతికంగా వైసీపీకి ఇబ్బందికరమైన అంశమే. ఈ కారణాలు చూపించి.., ఎన్నికలను బహిష్కరిస్తున్నట్టు ప్రకటించింది.
* 2014 లో జరిగిన ఏకగ్రీవాలకు.. ఇప్పుడు జరిగిన ఏకగ్రీవాలకు చాలా తేడా ఉంది. ఇప్పటికే ఈ ఏకగ్రీవాలు విషయంలో కోర్టుకు కొన్ని ఫిర్యాదులు, ఆధారాలు ఉన్నాయి. గత ప్రక్రియ రద్దు చేసేసి,, కొత్తగా ఫ్రెష్ నోటిఫికేషన్జ ఇవ్వాలని జనసేన వేసిన పిటిషన్ పెండింగ్ లో ఉంది. దీనిపై స్పష్టత రావాల్సి ఉంది.
కోర్టుల్లో కీలక అంశాలు తప్పదు..!!
టీడీపీ ఎన్నికలను బహిష్కరిస్తుంది. ఇప్పుడే చంద్రబాబు ప్రకటించేశారు. అయితే అంశాన్ని వదిలేయదు. సుప్రీమ్ లో పిటిషన్ వేశారు. ఆల్రెడీ జనసేన వేసిన పిటిషన్ పెండింగ్ లో ఉంది. ఈరోజు ఉదయాన్నే బీజేపీ కూడా కోర్టులో పిటిషన్ వేసింది. ఈ మూడు పిటిషన్లుపై ఎన్నికల కమీషన్ కౌంటర్లు సిద్ధం చేసి వేయాల్సి ఉంటుంది. గతంలో సుప్రీమ్ ఇచ్చిన మార్గదర్శకాలకు వ్యతిరేకంగా ఈ నిర్ణయం ఉంది కాబట్టి.. దీన్ని సమర్ధించుకుంటూ ఎన్నికల కమీషన్ ఎంత మేరకు కోర్టులో పోరాడుతుంది అనేది చూడాలి. ఒకరకంగా నీలం సాహ్ని ఎన్నికల కమీషనర్ గా బాధ్యతలు చేపట్టిన తర్వాత ఇక ఆమెను సీఎం జగన్ నడిపిస్తారని… సీఎం జగన్ కి ఆమె అత్యంత ప్రీతిపాత్రమైన అధికారిని అని.. ఇద్దరి మధ్య సమన్వయం బాగుంటుందని తెలిసిందే. సో… నీలం సాహ్ని ఎన్ని చిక్కులు వచ్చినా.. కోర్టుల్లో పోరాడడానికి వెనుకాడరు. ఇప్పుడు మూడు పార్టీలు వేసిన పిటిషన్లతో పోరాడడం అంత సులువు కాదు..!!
