అమ్మకు “చంటబ్బాయి“.., అభిమానులకు “అన్నయ్య“… జూనియర్లకు “మాస్టర్“.., ప్రత్యర్థులకు “హిట్లర్“… మహిళలకు “మగ మహారాజు“.., ప్రత్యర్థులకు “రోష గాడు“.., మొత్తానికి తెలుగు సినిమాతో ఆయన “రక్త బంధం” పెనవేసుకుని.., సినిమా “రక్త సింధూరం” పూసుకుని “తిరుగు లేని మనిషి”గా మారారు.
– అందుకే ఆయన “స్వయంకృషి”కి “ఖైదీ”లైన వారెందరో…!!
“ప్రాణం ఖరీదు” తెలిసిన “మొండిఘటం” ఆయన. “మోసగాడ”నీ.., “రాక్షసుడ“నీ ఎవరు అనుకున్నా.., ఆయన ఒక “ఖైదీ” అంటూ “ఖైదీ నంబర్ 150“, “ఖైదీ నంబర్ 786 ” అనీ సంఖ్యలూ ఇచ్చినా… ఆయన అభిమానుల మనస్సులో “సుప్రీం హీరో”గా స్థిరమయ్యారు. “దొంగ” అనీ, “జేబు దొంగ” అనీ.., “అడవి దొంగ” “కొండవీటి దొంగ” అని పిలిచినా వెరవలేదు… “చట్టానికి కళ్ళు లేవు” అనుకోకుండా…, “న్యాయం కావాలి” అంటూ “చట్టంతో పోరాటం” చేసి “శ్రీ మంజునాధ” చల్లని చూపుతో “మంచి దొంగ” అనిపించుకుని “అందరివాడు“గా మారారు…!
– అందుకే ఆయన “స్వయం కృషి”కి “ఖైదీ”లైన వారెందరో…!
తెలుగు సినీ తెరపై “గ్యాంగ్ లీడర్” గా తనకంటూ గ్యాంగ్ లేకుండా తెలుగు సినిమాకు “బిగ్ బాస్” గా.., “జై చిరంజీవా” అంటూ మొర పెట్టుకుంటే… సమస్యలు పరిష్కరించే “ఘరానా మొగుడు“గా మారారు. అవసరమైతే తెలుగు సినిమాకు “మెకానిక్ అల్లుడు“గా మారి రిపేర్ చేస్తారు. తనను “శంకర్ దాదా” అని పిలిచినా వారి చేతనే “శంకర్ దాదా జిందాబాద్” అని పిలిపించుకుని… అభిమానులు “అభిలాష” పడితే…, నిన్ను “చూడాలని ఉంది” అంటే ఆయనలో “ఆలయ శిఖరం” చూపిస్తారు. ఆపదలో ఉన్నాం అంటే “ఆపద్బాంధవుడి”గా మారి ప్రత్యక్షమవుతారు.
– అందుకే ఆయన “స్వయంకృషి“కి “ఖైదీ“లైన వారెందరో..!
అమ్మపై “ఆరాధన“తో ఇష్టమైన పెసరట్లు వేస్తారు. “స్నేహం కోసం” ఎక్కడికైనా వెళ్తారు.., “ధైర్యవంతుడి“గా ఉంటారు. గిట్టని వాళ్ళు ఏమన్నా మానసిక “సంఘర్షణ“లోపలే ఉంచుకుంటూ.., “ఇంటిగుట్టు” బయటకు వద్దు అంటారు. ఎప్పుడైనా ఆగ్రహం వస్తే “గూండా“యిజం చూపరు. అవసరాన్ని చూసుకుని “పులి“.., “పులి బెబ్బులి” లా మారతారు. చల్లారకపోతే తనే ఒక “కొదమ సింహం” లా మారి, “త్రినేత్రుడు“గా.., “రుద్రనేత్రు”డుగా.., “రుద్రవీణ” మోగిస్తూ పరోక్షంగా వార్నింగ్ ఇస్తారు. అవసరమైతే “ఛాలెంజ్” విసిరి.., “చాణక్య శపధం” చేసి… చివరికి “విజేత“గా నిలుస్తారు.
– అందుకే ఆయన “స్వయంకృషి”కి “ఖైదీ”లైన వారెందరో…!
