MP Raghu Ramakrishnam Raju: వైసీపీకి తలలో పేనులా… చెప్పులో ముల్లులా.. కంటిలో నలుసులా.. తయారైన ఆ ఎంపీ కథ జైలుకి చేరింది. సీఎం జగన్ నీ.. ఆ పార్టీ పెద్దల్నీ విసిగించి వేపుకుతింటున్న రెబల్ ఎంపీ రఘురామకృష్ణంరాజుని ఈరోజు ఏపీ సీఐడీ పోలీసులు అరెస్టు చేసిన సంగతి తెలిసిందే.. ఆయనపై ఆరోపణలు, నేరాల అంశాలకు సంబంధించి పెద్ద జాబితానే తయారు చేశారు. ఈ దెబ్బకి ఇప్పట్లో బయటకు వచ్చేలా కూడా కనిపించడం లేదు. ఆ జాబితా ఓ సారి చూస్తే…
* సెక్షన్ 124 ఏ – హావభావాలతో కానీ.., మాటలతో కానీ.., చేష్టలతో కానీ ఎదుటివారిని కించపరచడం..!
* సెక్షన్ 153 ఏ – కులం, మతం, భాష, పుట్టుక విషయాల్లో దుష్ప్రచారం చేయడం.
* సెక్షన్ 505 – తన మాటలు, ప్రకటనల ద్వారా అల్లర్లకు కారణమవ్వడం, విద్వేషాలను రెచ్చగొట్టడం… మతం, జాతి, స్థలం జన్మ, నివాసం, భాష, కుల లేదా కమ్యూనిటీ లేదా ఏ ఇతర గ్రౌండ్, శత్రుత్వం భావాలు, ద్వేషం లేదా చెడు చేసేలా వివిధ మతపరమైన, జాతిపరమైన, భాష లేదా ప్రాంతీయ మధ్య సమూహాలు లేదా కులాల మధ్య చిచ్చు పెట్టేలా ప్రవర్తించడం. ఇవి కాకుండా సెక్షన్ 120 బీ (మరణానికి కారణమయ్యేలా నేర ప్రవర్తి కలిగి ఉండడం) ప్రకారం కూడా కేసులు నమోదు చేశారు.
MP Raghu Ramakrishnam Raju: బెయిల్ ఇప్పట్లో వస్తుందా..!?
వీటిలో నాన్ బెయిలబుల్ ఏమి లేవు. కాకపోతే బెయిల్ రావడం కష్టమయ్యేవి ఉన్నాయి. పైగా రేపు, ఎల్లుండి కోర్టులకు సెలవు. కరోనా కారణంగా కోర్టుల్లో కేసులు నెమ్మదిగా విచారణకు వస్తున్నాయి. అందుకే ఈ పాయింట్లు అన్ని చూసుకుని రాజుగారిని అదుపులోకి తీసుకున్నట్టు చెప్పుకోవచ్చు. మూడు నాలుగు రోజుల వరకు బెయిల్ రాకపోవచ్చు. అయితే ఈ లోగా రేపు, ఎల్లుండి కూడా కొందరి ద్వారా ఫిర్యాదులు స్వీకరించి.. మరిన్ని సెక్షన్లు నమోదు చేసేందుకు కూడా కొన్ని ప్రయత్నాలు జరుగుతున్నట్టు సమాచారం అందుతుంది. అదే జరిగితే రాజుగారు నెలరోజులు వరకు రాకపోయినా ఆశ్చర్యం లేదు..!
