MP RaghuramakrishnamRaju: ఏపీలో.. ఓ రకంగా తెలుగు రాష్ట్రాల్లో.. మరోవైపు దేశ రాజకీయ వర్గాల్లో కూడా వైసిపి ఎంపీ రఘురామకృష్ణంరాజు అరెస్టు. ఆ తదనంతర పరిణామాలు.. అరెస్టు చేయడమే ఒక సంచలనం.. ఆయనపై నమోదైన కేసులు కాస్త ఆలోచించదగినవే.. వ్యక్తిగత స్వేచ్ఛ హరించేవి అనే వాదనలు ఉన్నాయి. అక్కడితో ఆగలేదు. ఆయనను పోలీసులు కొట్టారు.. అనే పాయింట్ ఇప్పుడు బాగా హాట్ టాపిక్ గా మారింది. ఇది నిజమే అయితే కఠిన చర్యలు ఉంటాయని కోర్టు కూడా హెచ్చరించడం మరో మలుపుగా మారింది.. ప్రస్తుతం అతన్ని పోలీసులు కొట్టారా..!? లేదా..? అనేది పోలీసులు తేలాల్సి ఉంది. వైద్య బృందం నివేదిక ఇవ్వాల్సి ఉంది..! ఒకవేళ పోలీసులు కొట్టడం నిజమే అయితే ఏం జరుగుతుంది..!? కోర్టు ఏమన్నదీ.., తర్వాత కోర్టు ఏం చేస్తుంది..!? అనేది ఓ సారి చూద్దాం
MP RaghuramakrishnamRaju: కోర్టు ఏమన్నాదంటే ఇదీ అసలు విషయం..!
ఎంపీ రఘురామకు చికిత్స అందించమని కోర్టు ఆదేశించింది. రఘు రామకృష్ణ రాజు రిమాండ్ రిపోర్టును సీఐడీ కోర్టు పెండింగ్లో పెట్టింది. అరికాళ్లపై గాయాలు, వివరాలను న్యాయస్థానం నమోదు చేసుని.. విచారించింది. ఎంపీ కాళ్లకు తగిలిన గాయాల ఆధారాలను రఘురామ తరఫు న్యాయవాదులు కోర్టు ముందుంచారు. ఆరోగ్య పరిస్థితుల రీత్యా చికిత్స కోసం ఎంపీని ఆసుపత్రికి తరలించాలని న్యాయస్థానం ఆదేశించింది. అయితే ప్రభుత్వ ఆసుపత్రిలో చికిత్సకు రఘురామ నిరాకరించారు. దీంతో ఆయనకు రమేశ్ ఆసుపత్రిలో చికిత్స చేయించాల్సిందిగా కోర్టు అధికారులను ఆదేశించింది. ఇక్కడితో విషయం ఆగింది. “తనపై థర్డ్ డిగ్రీ ప్రయోగించారని.., రబ్బర్ కర్రలతో కొట్టారని” రఘురామా లిఖిత పూర్వక ఫిర్యాదుపై విచారణ జరుగుతుంది..
తప్పు తేలితే పోలీసులకు చిక్కులే..!
పోలీసుల విచారణ నాలుగు గోడల మధ్య జరుగుతుంది. కొట్టినా.., కొట్టకపోయియినా బయటకు తెలియవు. ఆధారాలు ఉండవు. కాకపోతే ఒంటిపై ఉండే గాయాలే.. దానిపై వైద్య నివేదికలు ఆధారంగా ఉంటాయి. పాత మచ్చలు, గాయాలు చూపించి కూడా పోలీసులు కొట్టారు అని చెప్పొచ్చు.. లేదా పోలీసులు నిజంగానే కొట్టి ఉండిచ్చు. దీనిపై రేపు సాయంత్రానికి వైద్యబృందం నివేదిక రానుంది. పోలీసులు కొట్టినట్టు తేలితే మాత్రం కోర్టు మొదట ప్రభుత్వానికి ఒక కౌంటర్ దాఖలు చేయాలని ఆదేశించే అవకాశం ఉంది. సదరు విచారణాధికారులు సస్పెండ్ చేసే అధికారం ఉంది. దీనిపై ఒక పూర్తిస్థాయి విచారణకు ఆదేశించే అవకాశం కూడా ఉంది. ఇక్కడ వరకు కోర్టు పాత్ర అవుతుంది.. కానీ ఆ తర్వాత సభా హక్కుల ఉల్లంఘనలు, ఇతర కేసులు కూడా వెంటాడతాయి. వాటి నుండి తప్పించుకోవడం పోలీసులకు అంత సులువు కాదు.. కొట్టారో లేదో చెప్పడం ఈజీ కాదు. కాకపోతే ప్రస్తుత రాజకీయ పరిణామాల నేపథ్యంలో “కొట్టినా కొట్టనట్టు”.. “కొట్టకపోయినా కొట్టినట్టు” నివేదిక రావచ్చు.. ఏపీలో .. రాజకీయంలో ఏమైనా జరగొచ్చు..!