Peddireddy X Chandrababu: బాబోరి “పగటి కల – పొలిటికల్ కళ”..!? “టార్గెట్ పెద్దిరెడ్డి – మిషన్ పుంగనూరు”..!

Peddireddy X Chandrababu: CBN Target on Punganur But...?
Share

Peddireddy X Chandrababu: రాజకీయాల్లో ఒకే తరం నేతలు.. విద్యార్థి దశ నుండే శత్రువులు.. ఏళ్ల తరబడి పైచేయి కోసం పాకులాడుతున్న ఉద్ధండులు.. సమయం చిక్కితే ప్రత్యర్థిని నేలకు దించేయాలన్నంత కసి ఉన్న ముదుర్లు.. ఆ ఇద్దరిలో ఎప్పుడూ ఒకరిది పై చేయిగా నిలిస్తే.. గడిచిన రెండేళ్లుగా మాత్రం మరొకరిది పై చేయిగా మారింది..! ఆ ఇద్దరే చంద్రబాబు – పెద్దిరెడ్డి రామచంద్రారెడ్డి..! పెద్దిరెడ్డి కుప్పం టార్గెట్ పెట్టారు, బాబుని ఓడించడానికి ప్రణాళికలు సిద్ధం చేశారు. అది సాధ్యమో, కాదో సంగతి పక్కన పెడితే… పెద్దిరెడ్డిని ఓడించడానికి బాబు కూడా ప్రణాళికలు సిద్ధం చేసాడట.. “మిషన్ పుంగనూరు” ఆరంభించారట..! అదే ఇప్పుడు గమ్మత్తు..!

వైసీపీలో సీనియర్ మంత్రి పెద్దిరెడ్డి రామచంద్రారెడ్డి టీడీపీ అధినేత చంద్రబాబు సొంత నియోజకవర్గం కుప్పంపై టార్గెట్ పెట్టిన విషయం తెలిసిందే. కుప్పంలో చంద్రబాబును ఓడించడమే లక్ష్యంగా పావులు కదుపుతున్నారు. ఇప్పటికే కుప్పం నియోజకవర్గంలో స్థానిక పంచాయతీలు, మండల పరిషత్ తో పాటు మున్సిపాలిటీ లో వైసీపీ పాగా వేసింది. ఎన్నికలు ఎలా జరిగాయి అనేది పక్కన పెడితే చంద్రబాబు కోటలో వైసీపీ గెలిచింది. కుప్పంను చేజిక్కించుకోవడం వైసీపీ లక్ష్యం, పెద్దిరెడ్డి లక్ష్యం. ఆ లక్ష్యాన్ని ఛేదించారు. కుప్పంలో దెబ్బతీసిన పెద్దిరెడ్డి పై రివేంజ్ తీర్చుకోవాలన్న ఆలోచనలో చంద్రబాబు ఉన్నారు. ఆ ఆలోచనలో భాగంగా పెద్దిరెడ్డి రామచంద్రారెడ్డి సొంత నియోజకవర్గం పుంగనూరుపై ఫోకస్ పెట్టినట్లు సమాచారం. అయితే పెద్దిరెడ్డికి పుంగనూరులో పరిస్థితులు ఎలా ఉన్నాయి. టీడీపీ ప్రయత్నిస్తే అక్కడ పెద్దిరెడ్డిని ఢీకొట్టడం సాధ్యమా, గెలుపు అవకాశాలు ఉంటాయా, వరుసగా మూడు సార్లు ఎన్నికల్లో వరుసగా 30, 40వేల పైచిలుకు ఓట్ల ఆధిక్యతతో గెలుస్తూ వస్తున్న పెద్దిరెడ్డి అక్కడ ఎంత స్ట్రాంగ్ గా ఉన్నారు అనే విషయాలను పరిశీలిస్తే…

Peddireddy X Chandrababu: CBN Target on Punganur But...?
Peddireddy X Chandrababu: CBN Target on Punganur But…?

Peddireddy X Chandrababu: పుంగనూరు చరిత్ర ఇలా..!

పుంగనూరు నియోజకవర్గం 1952 లో ఏర్పడింది. అప్పటి నుండి టీడీపీ ఆవిర్భావం 1983 వరకూ ఆరు సార్లు ఎన్నికలు జరిగితే అయిదు సార్లు కాంగ్రెస్ పార్టీ, ఒక సారి స్వతంత్ర అభ్యర్ధి గెలిచారు. టీడీపీ ఆవిర్భావం తరువాత అక్కడ పరిస్థితులు మారిపోయాయి. పుంగనూరులో టీడీపీకి స్ట్రాంగ్ పునాదులు పడ్డాయి. 1983 నుండి 85, 89, 94, 96 ఉప ఎన్నికల వరకూ అంటే అయిదు సార్లు జరిగిన ఎన్నికల్లో వరుసగా టీడీపీ గెలిచింది. 1999లో మళ్లీ కాంగ్రెస్ పార్టీ గెలవగా, 2004 లో టీడీపీ తరపున అమరనాధ్ రెడ్డి విజయం సాధించారు. నియోజకవర్గాల పునర్విభజన తరువాత అప్పటి వరకూ పీలేరులో రాజకీయం కొనసాగించిన పెద్దిరెడ్డి రామచంద్రారెడ్డి 2009 లో కాంగ్రెస్ పార్టీ తరపున, 2014,2019లో వైసీపీ తరపున వరుసగా మూడు సార్లు గెలిచారు. 2009లో 40వేల పైచిలుకు మెజార్టీ, 2014లో 34వేల పైచిలుకు మెజార్టీ, 2019లో 42వేలకు పైగా మెజార్టీతో విజయం సాధించారు పెద్దిరెడ్డి. నియోజకవర్గంలో సామాజిక సమీకరణాల విషయానికి వస్తే మొత్తం 2లక్షల 32వేల ఓటర్లు ఉండగా, అందులో బీసీ ఓటర్లే లక్షకు పైగా ఉన్నారు. బీసీల్లోనే యాదవులు 32వేలకు పైగా, వాల్మీకి, బోయ సామాజికవర్గానికి చెందిన 23వేల ఓట్లు ఉన్నాయి. ఇక రెడ్డి సామాజికవర్గ ఓటర్లు 27వేల నుండి 30వేల వరకూ ఉండగా, ముస్లిం సామాజికవర్గ ఓట్లు సుమారు 25వేలు, బలిజ 27వేలు, ఎస్సీ సామాజికవర్గం 40వేల వరకూ ఓట్లు ఉన్నాయి. ఈ నియోజకవర్గంలో ఆరు సార్లు టీడీపీ, ఆరు సార్లు కాంగ్రెస్, రెండు సార్లు వైసీపీ విజయం సాధించింది. ఈ నియోజకవర్గంలో జనసేన ప్రభావం చూస్తే 2019 ఎన్నికల్లో సుమారు 15వేల ఓట్లు వచ్చాయి. ప్రస్తుతం ఈ నియోజకవర్గంలో జనసేనకు యాక్టివ్ ఇన్ చార్జి లేరు. ఇక్కడ జనసేన గట్టి నాయకుడిని నిలిపితే 15 వేల వరకూ పోల్ అయ్యే అవకాశం ఉంది.

Peddireddy X Chandrababu: CBN Target on Punganur But...?
Peddireddy X Chandrababu: CBN Target on Punganur But…?

పెద్దిరెడ్డికి తిరుగు లేదు.. కానీ..!?

ఇక్కడ వైసీపీ, టీడీపీ బలబలాలు చూసుకుంటే పెద్దిరెడ్డి రామచంద్రారెడ్డి మాస్ ఫాలోయింగ్ ఉన్న నేతగా పేరుంది. ఓటరు నాడి ఆయనకు బాగా తెలుసు. ఓటరుకు ఎప్పుడు ఏమి ఇవ్వాలి అనే విషయాల్లో ఆరితేరిన నాయకుడు. ఇంకా చెప్పాలంటే ఆయన ఖర్చుకు వెనుకాడే నాయకుడు కాదు. నియోజకవర్గంలో ప్రజలకు ఎప్పుడు ఏ విధమైన సహాయం కావాలన్నా అందిస్తూ ఉంటారు. ఆయనకు అనుచరగణం ఎక్కువ, యాక్టివ్ గా పని చేసే ద్వితీయ శ్రేణి నాయకులు ఆయన సొంతం. ఓటర్లతో మమేకమై ఉంటారనే పేరు ఉంది. పెద్దిరెడ్డి మీద ఆ నియోజకవర్గంలో అవినీతి ఆరోపణలు లేవు. వ్యతిరేక వర్గం అంటూ లేదు.

Peddireddy X Chandrababu: CBN Target on Punganur But...?
Peddireddy X Chandrababu: CBN Target on Punganur But…?

* ఇక టీడీపీ విషయానికి వస్తే ఇక్కడ నియోజకవర్గ ఇన్ చార్జిగా చల్లా రామచంద్రారెడ్డి ఉన్నారు. 2019 ఎన్నికల్లో ఈ నియోజకవర్గం నుండి మాజీ మంత్రి అమరనాధ్ రెడ్డి తమ్ముడు భార్య అనీషా రెడ్డి పోటీ చేశారు. ఓటమి తరువాత ఆమె యాక్టివ్ గా లేకపోవడంతో ఇన్ చార్జిగా చల్లా రామచంద్రారెడ్డికి ఇచ్చారు. ఈయన పీలేరు మాజీ ఎమ్మెల్యే ప్రభాకరరెడ్డి కుమారుడు. ఈయనకు రెండు మండలాల్లో పట్టు ఉంది. ఆయన సొంత మండలం రొంపిచర్లతో పాటు పక్క మండలంలో మంచి పట్టు ఉంది. సొంతంగా ఆయనకు పది నుండి 15వేల ఓటు బ్యాంకు ఆయనకు ఉంది. కార్యకర్తల బలం, పార్టీ బలం ఉంది. 1983 నుండి వరుసగా అయిదు సార్లు గెలిచిన టీడీపీకి ఇక్కడ ఆ పార్టీకి పెద్ద సంఖ్యలో అభిమానులు ఉన్నప్పటికీ గట్టిగా పని చేసే ద్వితీయ శ్రేణి నాయకత్వం లేదు. అంకితభావంతో పని చేసే మండల, గ్రామ స్థాయి నాయకులు లేకపోవడం టీడీపీకి పెద్ద మైనస్ పాియంట్ గా చెప్పుకోవచ్చు. ప్రధానంగా నాయకత్వ సమస్యతో ఇక్కడ టీడీపీ ఉనికికోల్పోయే పరిస్థితి. ఇక్కడ చల్లా రామచంద్రారెడ్డి ద్వితీయ శ్రేణి నాయకత్వాన్ని తయారు చేసుకుని జనసేనతో పొత్తు పెట్టుకుని పోల్ మేనేజ్ మెంట్ సక్రమంగా చేస్తే పెద్దిరెడ్డికి పోటీ మాత్రమే ఇవ్వగలరు.


Share

Related posts

‘అందుకే నిధులు కేటాయించలేదేమో!?’

somaraju sharma

YS Jagan: శ‌భాష్ జ‌గ‌న్‌… క‌రోనా టైంలో సూప‌ర్ నిర్ణ‌యం

sridhar

ఆత్మహత్యే శరణ్యం

sarath