విజయవాడ స్వర్ణ పాలస్ ప్రమాదం ఏపీలో ప్రకంపనలకు వేదికగా మారుతుందా..? రాజకీయ సంచలనాలకు.., కరోనా కార్పొరేట్ అవినీతి బహిర్గతానికి నాంది కానుందా…? అసలు స్వర్ణ పాలస్ ప్రమాదంలో ఏం జరిగింది..? అక్కడ కరోనా పేరిట జరిగిన వ్యాపారం ఏమిటి..? రమేష్ హాస్పిటల్ పాత్ర ఏంటి..? తాజాగా సినీ హీరో రామ్ ట్వీట్లు వెనుక అర్ధం ఏంటి..? అనేది పరిశీలిస్తే…!!
రామ్ ఏమని ట్వీట్ చేశారంటే..?
సినీ హీరో రామ్ పోతినేని తాజాగా ఈ అంశంపై స్పందించారు. కొన్ని సంచలన ట్వీట్లు చేసారు. సీఎం జగన్ చుట్టూ ఏం జరుగుతుందో తెలుసుకోవాలని హితవు పలికారు. మొదటి ట్వీట్ లో “స్వర్ణ పాలస్ హోటల్ క్వరెంటైన్ కేంద్రంగా ప్రభుత్వమే నిర్వహిస్తుంది. ప్రమాదం జరగడానికి మూడు వరాల ముందు నుండి ఆ హోటల్ క్వరెంటైన్ కేంద్రంగా ఉంది. కానీ ప్రమాదంపై ఎవర్ని టార్గెట్ చేస్తారు..? ఎవర్ని బ్లేమ్ చేస్తున్నారు..? అంటూ విచారణ తీరుని ప్రశ్నించారు. మరో ట్వీట్ లో “పెద్ద కుట్ర జరుగుతున్నట్టుంది…! సీఎంని తప్పుగా చూపించడానికి! జగన్ గారూ మీకు తెలియకుండా చేసే కొన్ని పనుల వల్ల మీ రెప్యుటేషన్ కి, మీ మీద మేము పెట్టుకున్న నమ్మకానికి డ్యామేజ్ కలుగుతుంది. వాళ్ళ మీద ఓ లుక్కేస్తారని ఆశిస్తున్నాం” అంటూ ట్వీట్ చేసారు.
* ఈ ట్వీట్లు ఉద్దేశం చెప్పుకోవాలంటే స్వర్ణ పాలస్ ఘటనలో ప్రభుత్వమే తప్పు చేసింది. మొదటి ముద్దాయి ప్రభుత్వ అధికారులే. వాళ్ళే మూడు వారాలకు ముందు నుండి క్వరెంటైన్ కేంద్రంగా నడుపుతున్నారు. రమేష్ ఆసుపత్రికి నామమాత్రంగా ఏమి సంబంధం లేకపోయినా.., అధికారులు వేధిస్తున్నారని చెప్పుకొచ్చారు. విచారణ తప్పుదోవ పడుతున్నట్టు చెప్పుకొచ్చారు.
నలుగురికి మాత్రమే పాజిటివ్.. మిగిలిన వారో..??
స్వర్ణ పాలస్ ఘటన జరిగినప్పటికీ ఆ హోటల్ లో 30 మంది ఉన్నారు. తాజాగా అధికారుల నివేదిక ప్రకారం వారిలో నలుగురికి మాత్రమే కరోనా పాజిటివ్ ఉంది. మిగిలిన 26 మందికి నెగిటివ్ ఉంది. ప్రభుత్వ లెక్కల ప్రకారం ఒక్కో పేషేంట్ కి రోజుకి రూ. 2 వేలు ఖర్చు చేస్తుంటారు. అంటే ఈ 26 మందికి నెగిటివ్ ఉన్నప్పటికీ ఉంచారు అంటే ఈ అక్రమ ఆదాయం కోసమేనా అనే కొత్త అనుమానాలు వస్తున్నాయి. 26 మందికి రోజుకి రెండు వేల చొప్పున రోజుకి కనీసం రూ. 54 వేలు అక్రమ ఆదాయం ఉంటుంది. దీనిలో ఎవరి పాత్ర ఏంటి అనేది తేలాల్సి ఉంది.
రమేష్ ఆసుపత్రి చుట్టూ బురద…!!
ఈ మొత్తం ఘటనలో కీలకంగా మారిన రమేష్ ఆసుపత్రి చుట్టూ అనేక వదంతులు, ఆరోపణలు, ప్రచారాలు జరుగుతున్నాయి. దీనిలో ఏది వాస్తవం, అవాస్తవం అని తెలియనప్పటికీ… రమేష్ ఆసుపత్రి యాజమాన్యం అమరావతిలో భూముల కొనుగోళ్లు ద్వారా గతంలో నష్టపోయింది అనీ… ఆ నగదుని ఎలాగోలా రప్పించుకుని క్రమంలో కరోనాని విపరీతంగా వాడుకుంటూ అక్రమఆదాయం పొందుతుందని ప్రచారంలో ఉంది. కరోనా పేషేంటల్కు చికిత్స సందర్భంగా కూడా రమేష్ ఆసుపత్రి భారీగా ఫీజులు వసూలు చేసిందని కొన్ని పిర్యాదులు అందాయి. అయితే రమేష్ ఆసుపత్రి కంటే.., ఆ హోటల్ కంటే… దీనిలో ఆ జిల్లా అధికారుల పాత్ర అధికంగా ఉంది అంటూ అనుమానాలు వ్యక్తమవుతున్నాయి. అందరికీ తెలిసే అక్రమాలు జరగ్గా,.. ఇప్పుడు అధికారులు తప్పించుకుని కొందరిని ఇరికిస్తున్నారనేది వీరు వాదనగా ఉంది.
