ఆంధ్రప్రదేశ్ రాష్ట్ర మాజీ ముఖ్యమంత్రి నారా చంద్రబాబు నాయుడు పేరెత్తితే చాలు మంటెత్తిపోయే వారిలో ముందు వరుసలో ఉంటాడు సినీ నటుడు, మాజీ రాజ్యసభ సభ్యుడు, విద్యావేత్త మంచు మోహన్ బాబు. ఒకప్పుడు బాబుతో కలిసి రాజకీయ ప్రయాణం సాగించిన ఆయన ఇప్పుడు అతని పేరు వింటేనే విపరీతమైన కోపంతో రగిలి పోతున్నాడు. అయినా కూడా అతనిపై ప్రత్యక్షంగా విమర్శలకు దిగడం వంటివి చెయ్యట్లేదు. అసలు దీని సంగతి ఏంటో ఒక సారి చూద్దాం…
పగబట్టి…. తగలెట్టి
గత ఏడాది సరిగ్గా ఎన్నికలకు ముందు తన విద్యా నికేతన్ విద్యా సంస్థలకు ఫీజు రియంబర్స్మెంట్ బకాయిలను బాబు సర్కారు ఉద్దేశపూర్వకంగానే ఆపేస్తుందని మోహన్ బాబు రోడ్డెక్కి ఆందోళన చేపట్టిన విషయం తెలిసిందే. అక్కడితో ఆగిపోకుండా ప్రొఫెషనల్ విషయాన్ని పర్సనల్ గా తీసుకొని మోహన్ బాబు టిడిపి ప్రభుత్వానికి వ్యతిరేకంగా వైకాపాకు మద్దతుగా ఎన్నికల ప్రచారం కూడా చేశారు. ఎన్నికల్లో బాబు ఘోర పరాజయం చెందిన తరువాత శాంతించాడు.
ఇదే అతని అసలు బాధ
ఇంత జరిగిన తరువాత చంద్రబాబు ను లక్ష్యంగా చేసుకుని తాజాగా ఓ టీవీ ఛానల్ కి ఇచ్చిన ఇంటర్వ్యూలో అతనికి తన రాజకీయ ప్రయాణానికి సంబంధించి ఈ ప్రశ్న ఎదురైనప్పుడు పరోక్షంగా అతని పై విమర్శలు ఆరోపణలు గుప్పించారు. ‘‘ఒకడి వల్ల నా రాజకీయ జీవితం నాశనమైంది. అతణ్ని నమ్మి రాజకీయాల్లోకి దిగాను. నన్ను మోసం చేసి అతను ముఖ్యమంత్రి అయ్యాడు. కలిసి వ్యాపారం మొదలుపెడితే అందులోనూ మోసం చేశాడు. వేల కోట్లకు పడగలెత్తాడు. కానీ అతను వేల కోట్లు సంపాదించడం.. నేను ఇప్పుడున్న స్థితిలో ఉండటం రెండూ ఒకటే. ఆ వ్యక్తి చేసినవన్నీ మరిచిపోయి రాజీకి వెళ్లాలని కొందరంటారు. కానీ కాకా పట్టేవాళ్లు అలా అంటారు కానీ.. నేను అంతా ఎలా మరిచిపోతాను’’ ఇవే ఖచ్చితంగా మోహన్ బాబు అన్న మాటలు.
నిజంగా మనసులో ఉన్న మాటలేవి?
మరి పైన అంత కథ చెప్పిన మోహన్ బాబు…చంద్రబాబు పేరుని నేరుగా ఎత్తకుండా ఒకడు…. ముఖ్యమంత్రి అయ్యాడు…. నన్ను మోసం చేశాడు…. నేను ఎప్పటికీ మర్చిపోను అని పెద్ద పెద్ద డైలాగులు కొట్టడం ఏమిటో ఎవరికీ అర్థం కాలేదు. మోహన్ బాబు కి జగన్ అండ ఎంతకాదన్నా ఉంటుంది. బాబు ని అసలు లెక్క చేయాల్సిన అవసరం లేదు. చంద్రబాబు అసలు ఇప్పుడు ఎవరినీ శాసించే స్థితిలో కూడా లేసు. తన సొంత పార్టీ నేతలే అతని మాట వినట్లేదు. ఇలాంటి సమయంలో మోహన్ బాబు చంద్రబాబుకు భయపడాల్సిన అవసరం లేదని పలువురు అంటున్నారు. ఇదంతా గౌరవం అని కొందరంటారు. అంటే… మోహన్ బాబు కి లోపల ఎక్కడో కొంత బబు అంటే కొంత గౌరవం దాగి ఉందని కొందరు అంటున్నారు. మరి మీరేమంటారు?