స్టైలిష్ స్టార్ అల్లు అర్జున్ అలియాస్ బన్ని వరుస సినిమాలను అనౌన్స్ చేసేస్తున్నాడు. నేడు (ఏప్రిల్ 8న) బన్ని పుట్టినరోజు. ఈ సందర్భంగా బన్ని మరో సినిమాను ప్రకటించడం విశేషం అది కూడా టైటిల్తో సహా. వివరాల్లోకెళ్తే బన్ని తన 21వ సినిమాను దిల్రాజు బ్యానర్లో చేస్తాడని ఇటీవల వార్తలు వినిపించిన సంగతి తెలిసిందే. ఆ సినిమాను అధికారికంగా నేడు ప్రకటించారు. ‘ఓ మై ఫ్రెండ్’, ‘ఎంసిఎ’ చిత్రాల దర్శకుడు వేణు శ్రీరాం దర్శకత్వంలో బన్ని తదుపరి సినిమాను చేయబోతున్నాడు మరి. ఈ సినిమాకు ‘ఐకాన్ కనపడుటలేదు’ అనే టైటిల్ను కూడా నిర్ణయించి టైటిల్ పోస్టర్ను విడుదల చేశారు. అయితే ఈ సినిమా దాదాపు వచ్చే ఏడాది ప్రథమార్థంలోనే తెరకెక్కే అవకాశం ఉంది. ఎందుకంటే ఈ ఏడాది బన్ని త్రివిక్రమ్ దర్శకత్వంలో ఓ సినిమా, సుకుమార్ దర్శకత్వంలో ఓ సినిమా చేయబోతున్నాడు. దిల్రాజు బ్యానర్లో ఆర్య, పరుగు, డీజే దువ్వాడజగన్నాథమ్ చిత్రాల తర్వాత బన్ని చేయబోయే సినిమా ఇది.
previous post
next post