తమిళంలో వివాద‌స్ప‌ద‌మైన చిత్రం తెలుగులో విడుద‌ల‌కు సిద్ధ‌మ‌వుతుంది. ఇంత‌కు ఆ సినిమా ఏదని అనుకుంటున్నారా? `90 ఎం.ఎల్‌`. బిగ్‌బాస్‌తో తమిళంలో పాపులారిటీ సంపాదించుకున్న ఓవియా ఇందులో లీడ్ రోల్‌లో న‌టించింది. ఐదుగురు అమ్మాయిల వ్య‌క్తిగ‌త జీవిత‌యాన‌మే ఈ చిత్రం. ఈ సినిమా ట్రైలర్ విడుద‌లైన త‌ర్వాత తమిళంలో బూతు కంటెంట్ ఎక్కువైందంటూ.. సినిమాను ఆపాలంటూ వివాదాలు చేల‌రేగాయి. అయితే సినిమా తమిళంలో మార్చి 1న విడుదలైంది. ఈ చిత్రాన్ని తెలుగులో `ఇది చాలా త‌క్కువ` అనే పేరుతో విడుద‌ల చేయ‌బోతున్నారు. ట్రైలర్ విడుదలైంది. త‌మిళ న‌టుడు శింబు ఈ చిత్రానికి సంగీతం అందించ‌డం విశేషం. లిప్ లాక్స్, బూతు డైలాగ్స్, లెస్బియన్స్ వంటి అంశాలతో తమిళంలో వివాదాల‌కు దారి తీసిన ఈ సినిమా తెలుగు ట్రైలర్ ఇక్క‌డెన్ని వివాదాల‌ను క్రియేట్ చేస్తుందో చూద్దాం..
