Aacharya Trailer: వేసవి కానుకగా టాలీవుడ్ బాక్సాఫీస్ దగ్గర భారీ సినిమాలు క్యూ కడుతున్నాయి. మహమ్మారి కరోనా కారణంగా దాదాపు రెండు వేసవి కాలం మిస్ కావడం జరిగింది. టాలీవుడ్ ఇండస్ట్రీకి వేసవి అత్యంత భారీ మార్కెట్. ఇటువంటి తరుణంలో రెండు సంవత్సరాల నుండి విడుదల కావలసిన సినిమాలు వరుస పెట్టి.. వస్తున్నాయి. రాధేష్యం, ఆర్ఆర్ఆర్… ఇప్పటికే రిలీజ్ కావడం తెలిసిందే. ఈ నేపథ్యంలో ఈ నెల చివరిలో చిరంజీవి-చరణ్ కలిసి నటించిన “ఆచార్య” విడుదల అవటానికి సిద్ధమైంది.
చరణ్ ఈ సినిమాలో అతిధి పాత్రలో కనిపిస్తున్నరు. సిద్ధ అనే క్యారెక్టర్ చేస్తున్నారు. చరణ్ సరసన పూజా హెగ్డే హీరోయిన్ గా నటిస్తుంది. చిరంజీవి ప్రధాన పాత్ర పోషిస్తుండగా..చిరుకి హీరోయిన్ గా కాజల్ అగర్వాల్ చేస్తోంది. ఇటీవలే చరణ్ పుట్టినరోజు సందర్భంగా పోస్టర్ రిలీజ్ చేయగా శ్రీరామనవమి సందర్భంగా ఏప్రిల్ పదో తారీకు సినిమా ట్రైలర్ విడుదల కాబోతున్న ట్లు మొన్నటిదాకా వార్తలు వచ్చాయి. కానీ తాజాగా సినిమా యూనిట్ శ్రీరామనవమి నాడు ట్రైలర్ విడుదల చేయడం లేదని క్లారిటీ ఇచ్చింది.
ఈనెల 12వ తారీకు “ఆచార్య” ట్రైలర్ విడుదల చేస్తున్నట్లు అధికారిక ప్రకటనతో కూడిన పోస్టర్ రిలీజ్ చేశారు. పోస్టర్ లో చరణ్…పూజ హెగ్డే ఫోటో ఉంది. ఇదిలా ఉంటే దాదాపు 13 సంవత్సరాల తర్వాత చిరంజీవి సినిమాకి మణిశర్మ సంగీతం అందిస్తుండటంతో… ఆచార్య.. సెంటిమెంటల్ గా హిట్టవుతుందని.. మెగా అభిమానులు డిసైడ్ అయిపోయారు. ఎందుకంటే మ్యూజిక్ డైరెక్టర్ మణిశర్మ చిరంజీవి సినిమాలకు పని చేసిన సినిమాలు దాదాపు హిట్ అయ్యాయి. దాంతో ఆచార్య కూడా గ్యారెంటీ హిట్ అవుతుందని మెగా అభిమానులు భావిస్తున్నారు.