రాజమౌళి సినిమాల్లో నటించిన హీరోలకు.. తమ తర్వాతి సినిమా హిట్ అవదు.. అనే సెంటిమెంట్ ఉండిపోయింది. అలాగే జరిగింది కూడా. ఇప్పుడు ఇదే తరహా సెంటిమెంట్ ‘బిగ్ బాస్’ రియాలిటీ షో విన్నర్స్ కు జరుగుతోందా? గత మూడు సీజన్ల టైటిల్ విన్నర్స్ ను చూస్తే నిజమని చెప్పాల్సిందే. ఇప్పటివరకూ జరిగిన నాలుగు సీజన్లలో నలుగురు విన్ అయి టైటిల్స్ సాధించారు. షో తర్వాత మూడు సీజన్ల విన్నర్స్ టాలీవుడ్ లో పెద్దగా కనిపించలేదనే చెప్పాలి. సహజంగా ఎంటర్ టైన్ ఫీల్డ్ లో వీరికి అవకాశాలు బాగా రావాలి. కానీ.. అలా జరిగింది తక్కువే అని చెప్పాలి.
బిగ్ బాస్ సీజన్ 1 విన్నర్ శివబాలాజీ.. అప్పటికే హీరోగా చేశాడు. పలు సినిమాల్లో నటించాడు. అయితే.. బిగ్ బాస్ టైటిల్ గెలిచిన తర్వాత హైప్ అయితే వచ్చింది కానీ.. బిగ్ బాస్ వల్ల కొత్తగా వచ్చిన అవకాశాలూ తక్కువే. రెండో సీజన్ టైటిల్ ను కౌశల్ మండ గెలుచుకున్నాడు. కౌశల్ టైమ్ లో.. కౌశల్ ఆర్మీ పేరుతో సోషల్ మీడియాలో జరిగిన రచ్చ అంతా ఇంతా కాదు. కానీ.. టైటిల్ విన్ అయ్యాక ఆ సందడి తగ్గింది. సినిమా అవకాశాలు పెద్దగా రాలేదు. మూడో సీజన్ టైటిల్ ను రాహుల్ సిప్లిగంజ్ గెలుచుకున్నాడు. అప్పుడూ.. అదే జరిగింది. ఈ ఏడాది కాలంలో ఇప్పటివరకూ రాహుల్ సినిమాల్లో కనిపించింది లేదు. కృష్ణవంశీ సినిమాల్లో నటిస్తున్నాడని వార్తలు వస్తున్నాయి.
ఇప్పుడు నాలుగో సీజన్ టైటిల్ ను అభిజీత్ గెలుచుకున్నాడు. 2011లో లైఫ్ ఈజ్ బ్యూటిఫుల్ సినిమాలో హీరోగా మెయిన్ క్యారెక్టర్. ఆ తర్వాత సినిమాల్లో కనిపించలేదు. కానీ.. ఇప్పుడు బిగ్ బాస్ 4వ సీజన్ టైటిల్ గెలుచుకున్నాడు. ఫైనల్ సందర్భంగా ఇది నాకు రెండో ఇన్నింగ్స్.. ఈసారి సినిమాల్లో గట్టిగా ట్రై చేస్తాను.. నిరూపించుకుంటాను అన్నాడు. కానీ.. గత మూడు సీజన్ల విన్నర్స్ ట్రాక్ రికార్డు చూస్తే టైటిల్స్ గెలిచిన వారు సినిమాల్లో రాణించింది లేదు అయితే.. నాలుగో సీజన్ కంటెస్టెంట్స్ భావోద్వేగాలు, ఆశల మధ్య జరిగింది. మరి.. ఈ సెంటింమెంట్ ను అభిజీత్ ఏమేరకు బ్రేక్ చేసి రాణిస్తాడో చూడాలి.
Bigg Boss Ashwini: రాత్రి 4 అయినా నిద్ర పట్టడం లేదు… బోల్డ్ కామెంట్స్ చేసిన బిగ్ బాస్ అశ్విని..!