Nagaiah : అప్పట్లో స్టైలిష్ స్టార్ అల్లు అర్జున్ క్రిష్ దర్శకత్వంలో నటించిన “వేదం” సినిమా సూపర్ డూపర్ హిట్ అయిన సంగతి తెలిసిందే. ఈ సినిమాలో మంచి గుర్తింపు తెచ్చుకున్న పాత్ర చేసిన నాగయ్య ఈరోజు మృతి చెందారు. క్యారెక్టర్ ఆర్టిస్ట్ గా సినిమా ఇండస్ట్రీలో అనేక పాత్రలు చేశారు. దాదాపు 30 సినిమాలు చేసిన నాగయ్య ..అనారోగ్యం కారణంగా శనివారం తుదిశ్వాస విడిచారు. గుంటూరు జిల్లా నరసరావుపేట కు చెందిన నాగయ్య .. అప్పట్లో ఊర్లో పనులు లేకపోవడంతో ..కొడుకుతో హైదరాబాదుకు రావటం జరిగింది.
ఆ సమయములో డైరెక్టర్ క్రిష్ దృష్టిలో పడటంతో..”వేదం” సినిమాలో ఛాన్స్ అందుకున్నారు. “వేదం” లో నాగయ్య చేసిన పాత్రకు మంచి గుర్తింపు రావడంతో అనేక సినిమాలలో అవకాశం రాబట్టుకుని, దాదాపు మూడు వేల నుండి పాతిక వేల వరకు పారితోషకం అందుకోవడం జరిగింది.ఆ మధ్య నాగయ్య భార్య చనిపోవడం జరిగింది. ఆ తర్వాత సినిమాల్లో అనేక అవకాశాలు రాకపోయినా నాగయ్య అనారోగ్యం పాలయ్యారు. దీంతో పరిస్థితి మరీ ఇబ్బందిగా ఉండటంతో, ఆ టైంలో కేసీఆర్ లక్ష రూపాయలు ఆర్థిక సహాయం అందజేశారు. ఆ తర్వాత మా అసోసియేషన్ నెలకు 2,500 రూపాయల పింఛన్ ఇస్తూ అండగా నిలిచింది. కాగా నాగయ్య ఈరోజు మృతి చెందటం జరిగింది. ఆయన మృతి పట్ల ఇండస్ట్రీలో చాలా మంది ప్రముఖులు సంతాపం వ్యక్తం చేశారు.