Saba Qamar: పాకిస్థాన్ నటి సబా కమర్ గత కొద్ది రోజుల క్రితం అజీమ్ ఖాన్ అనే ఒక వ్యాపారవేత్తతో నిశ్చితార్థం జరుపుకున్న సంగతి తెలిసిందే. మరి కొద్ది రోజులలో పెళ్లి ఉండగా తన పెళ్లి విషయం పై నటి సబా కమర్ సంచలన వ్యాఖ్యలు చేసారు. తనకు కాబోయే భర్త అజీమ్ ఖాన్ ఓ మహిళను లైంగికంగా వేధించినట్లు ఆరోపణలు రావడంతో అతనితో పెళ్లి రద్దు చేసుకున్నట్లు ఈమె తెలిపారు. ఇదే విషయాన్ని సబా కమర్ ఇంస్టాగ్రామ్ ద్వారా తెలియజేశారు.
హాయ్ అందరికీ ఎంతో ముఖ్యమైన విషయం చెప్పాలనుకుంటున్నాను. కొన్ని వ్యక్తిగత కారణాల వల్ల అజీమ్ ఖాన్ తో తన వివాహాన్ని రద్దు చేసుకుంటున్నా. మేము ఇద్దరం పెళ్లి చేసుకోవడం లేదు. ఎల్లప్పుడూ నన్ను ఎంతో సపోర్ట్ చేసే మీరు నా నిర్ణయానికి మద్దతుగా నిలుస్తారని ఆశిస్తున్నా. చేదు వాస్తవాలను తెలుసుకోవటానికి చాలా ఆలస్యం కాలేదని అనుకుంటున్నా. మరొక ముఖ్యమైన విషయం అజీమ్ ఖాన్ ను తనెప్పుడూ కలవలేదని, కేవలం ఫోన్ ద్వారా మాత్రమే ఒకరికొకరు కనెక్ట్ అయినట్లు తెలిపారు. ప్రస్తుతం ఇది ఎంతో కష్టమైన సమయం కానీ ఇది కూడా వెళ్ళిపోతుందని సబా కమర్ తన ఇంస్టాగ్రామ్ ద్వారా తెలియజేశారు.
సబా కమర్ పోస్ట్ కు అజీమ్ సమాధానం:
సబా పోస్ట్ పై స్పందించిన అజీమ్.. ఈ విధంగా విడిపోవడానికి పూర్తి బాధ్యత నాదేనంటూ స్పందిస్తూ ఈ విధంగా రాసుకొచ్చారు మీకు చాలా అద్భుతమైన ఆత్మ ఉంది. విశ్వంలోని అన్ని ఆనందాలకు మీరు అర్హులే. దేవుడు మీకు అన్ని విజయాలను ప్రేమతో ఆశీర్వదిస్తాడు. ఈ కష్టమైన రహదారులు తరచూ మీకు అందమైన గమ్యస్థానాలకు దారితీస్తాయి అంటూ కామెంట్ చేశారు. ఇక సినిమాల విషయానికి వస్తే ప్రస్తుతం ఈ భామ ఇర్ఫాన్ ఖాన్ తో కలిసి హిందీ మీడియం చిత్రంలో నటిస్తున్నారు. ప్రస్తుతం సబా చేసిన పోస్ట్ సోషల్ మీడియాలో వైరల్ గా మారింది.