సినీ ఇండస్ట్రీలో మరో విషాదం చోటుచేసుకుంది. ప్రముఖ నటుడు ప్రతాప్ పోతెన్ చనిపోయాడు. చెన్నైలోని తన నివాసంలో ఆయన కన్నుమూశారు. ఇంట్లో విగతజీవిగా ఆయన కనిపించడం అందరిలో విషాదాన్ని నింపింది. ఆయన మరణానికి గల కారణాలేంటనేది ఇంకా తేరలేదు. చనిపోవడానికి గత కారణాలు ఏంటనేది ఇంకా తెలియాల్సి ఉంది.
తెలుగుతో పాటు తమిళ, మలయాళ భాషల్లో సినిమాలు
ప్రతాప్ పోతెన్ వయస్సు 70 సంవత్సరాలు. తెలుగుతో పాటు తమిళం, మలయాళ భాషల్లో ఆయన అనేక సినిమాలు చేశారు. తెలుగుతో ఆకలిరాజ్యం, కాంచనగంగ, మరో చరిత్ర, వీడెవడు వంటి సినిమాల్లో నటించి తన నటనతో ప్రేక్షకుల్లో అలరించాడు. ఇక సినిమాల్లో నటుడిగానే కాకుండా డైరెక్టర్ గా కూడా పేరు తెచ్చుకున్నాడు. పలు సినిమాలకు ఆయన దర్శకత్వం వహించారు.
రాధికతో విడాకులు
అలాగే నిర్మాతగా కూడా పలు సినిమాలు చేశారు. ఈయన సీనియర్ హీరోయిన్ రాధిక మాజీ భర్త కూడా. 1985లో రాధికతో ఆయనకు వివాహం జరిగింది. అయితే కుటుంబ విబేధాలు, గొడవలు, వివాదాలు కారణంగా ఏడాదికే వీరి తమ వివాహ బంధానికి ముగింపు పలికారు. 1986వ సంవత్సరంలో రాధిక. ప్రతాప్ పోతెన్ విడాకులు తీసుకుని విడిపోయారు.
సినీ ప్రముఖల నివాళులు
కాగా ప్రతాప్ పోతెన్ హఠాన్మరణం సినీ ఇండస్ట్రీని షాక్ కు గురి చేసింది. ఆయన మరణం పట్ల సినీ ప్రముఖులు సంతాపం ప్రకటిస్తున్నారు. వారి కుటుంబానికి ప్రగాఢ సానుభూతి తెలుపుతున్నారు. ఆయనకు ఆత్మకు శాంతి చేకూరాలని ప్రార్థిస్తున్నారు. ఈ మేరకు సోషల్ మీడియాతో ఆయనకు నివాళులు ప్రకటిస్తున్నారు. ఆయన మరణానికి గత కారణాలు తెలియాల్సిందేనని సినీ ప్రముఖులు కోరుతున్నారు.
నిర్మాతగా, డైరెక్టర్ గా కూడా మార్క్
ఆయన మరణం సినీ ఇండస్ట్రీకి తీరనిలోటు అని సినీ ప్రముఖులు దిగ్బ్రాంతి వ్యక్తం చేస్తున్నారు. నటుడిగానే కాకుండా డైరెక్టర్ గా, నిర్మాతగా ఆయన సినిమా ఇండస్ట్రీలో పేరు సంపాదించుకున్నారని సినీ ప్రముఖులు ఈ సందర్భంగా గుర్తు చేసుకుంటున్నారు. సౌత్ సినిమాల్లో ఆయన చెరగని ముద్ర వేసుకున్నారని అంటున్నారు.
